कोरोना परिक्षण र संक्रमण बारे यस्तो छ नेपालको अवस्था

समाचार

गृहपृष्ठ
समाचार
कोरोना परिक्षण र संक्रमण बारे यस्तो छ नेपालको अवस्था

कोरोना परिक्षण र संक्रमण बारे यस्तो छ नेपालको अवस्था

बिहीबार, चैत २०, २०७६ बागेश्वरी पोस्ट

काठमाडौं । कोरोना भाइरस (कोभिड–१९) को संक्रमण विश्वभर तीव्र गतिमा फैलिए पनि नेपालमा भने तुलनात्मक रुपमा कम नै रहेको छ ।

सरकारले संक्रमण नफैलियोस् भनी लकडाउन गरेको पनि बिहीबार ९चैत २० गते० १० दिन भइसकेको छ । तर आवतजावत भने रोकिएको छैन । अहिले जारी लकडाउनभन्दा १५ दिन अगाडि नै विदेशबाट आउनेक्रममा कडाइ गर्न सकेको भए सशंकित भएर बस्नु नपर्ने तर्क पनि आइरहेका छन् ।

त्यतिमात्र होइन विदेशबाट आएका सबैलाई ट्रेस गर्न नसक्दा थप आशंका यद्यपि छ । त्योभन्दा जटिल समस्या हो परीक्षणको । उल्लेख्य मात्रामा परीक्षण हुन नसक्दा पनि संक्रमितको संख्या यकिन हुन नसकेको बताइन्छ ।

कति छन् संक्रमित ?

अहिलेसम्म पाँच जनामा मात्र संक्रमण देखिएको स्वास्थ्य तथा जनसंख्या मन्त्रालयले जनाएको छ । तीमध्ये एक जनालाई निको भएको छ भने चार जना आइसोलेसनमा रहेका छन् ।

कोरोनाको आशंकामा राष्ट्रिय जनस्वास्थ्य प्रयोगशालामा हालसम्म ११ सय ४५ जनाको स्वास्थ्य परीक्षण गरिएको छ । जसमा ११ सय ४० जनाको परीक्षण नेगेटिभ आएको छ । दुईजना टेकुस्थित शुक्रराज ट्रपिकल तथा सरुवा रोग अस्पतालमा उपचाररत छन् ।

एक जनाको धनगढीस्थित सेती प्रादेशिक अस्पताल र एक जनाको बाग्लुङस्थित धौलागिरी अञ्चल अस्पतालमा उपचार भइरहेको छ । पहिलो संक्रमितको रिपोर्ट माघ १० गते आएको थियो । मन्त्रालयका प्रवक्ता डा.विकास देवकोटाले देशभर ९९ जनाको आइसोलेसनमा राखेर उपचार भइरहेको जानकारी दिएका छन् ।

सबै प्रदेशमा कोरोना परीक्षण थालिएको जनाइएको छ । आफूलाई कुनै शंका लागेमा मन्त्रालयको हटलाइन नम्बर १११५ र ११३३ सम्पर्क गर्न सकिने पनि मन्त्रालयले जनाएको छ ।हाम्राकुराडटकमबाट।

प्रकाशित मिति: बिहीबार, चैत २०, २०७६ ०८:२३

प्रतिक्रिया दिनुहोस्