भरतपुर अस्पतालमा मृत्यु भएकी महिलाको कोरोना रिपोर्ट नेगेटिभ

समाचार

गृहपृष्ठ
समाचार
भरतपुर अस्पतालमा मृत्यु भएकी महिलाको कोरोना रिपोर्ट नेगेटिभ

भरतपुर अस्पतालमा मृत्यु भएकी महिलाको कोरोना रिपोर्ट नेगेटिभ

शनिबार, चैत २२, २०७६ बागेश्वरी पोस्ट

चितवन । ज्वरोका कारण भरतपुर अस्पतलमा उपचारका क्रममा मृत्यु भएकी युवतीको कोरोना भाइरस परीक्षणको नतिजा नेगेटिभ आएको छ।

उपचारको क्रममा शुक्रबार मृत्युपछि बिहान सिन्धुली घर भएकी युवतीको कोरोना भाइरसको आशंका स्वाब परीक्षणका लागि हेटौंडा पठाइएको थियो।

उनीसँगै अन्य चार जनाको नतिजा पनि नेगेटिभ आएको भरतपुर कोरोना विशेष (अस्थायी) अस्पतालले जनाएको छ। सबैको नमूना हेटौंडामा रहेको प्रयोगशालामा पठाइएको थियो।

बिहीबार राति सिन्धुली घर भएकी २६ वर्षीया उषाकुमारी राईलाई उपचारका लागि भरतपुर अस्पताल ल्याइएको थियो। राति १२ बजे अस्पताल ल्याइएकी राईको भरतपुर अस्पतालको सघन उपचार कक्षमा उपचारकै क्रममा बिहान २ बजे मृत्यु भएको थियो।

कोरोना भाइरसको त्रास भएकाले ज्वरो आएका बिरामीको उपचारमा विशेष सतर्कता अपनाइएको छ।

प्रकाशित मिति: शनिबार, चैत २२, २०७६ ११:५९

प्रतिक्रिया दिनुहोस्