दश एसएसपी डीआईजीका लागि सिफारिस

समाचार

गृहपृष्ठ
समाचार
दश एसएसपी डीआईजीका लागि सिफारिस

दश एसएसपी डीआईजीका लागि सिफारिस

शनिबार, चैत २९, २०७६ बागेश्वरी पोस्ट

काठमाडौं । नेपाल प्रहरीका दस प्रहरी वरिष्ठ उपरीक्षक (एसएसपी)हरु प्रहरी नायब महानिरीक्षक (डीआईजी)मा बढुवाको लागि सिफारिस भएका छन्।

बढुवा सिफासिर हुनेहरुमा एसएसपी घनश्याम अर्याल, बसन्तकुमार पन्त, ईश्वरबाबु कार्की, प्रकाश कार्की, सहकुल बहादुर थापा, धीरजप्रताप सिंह, रवीन्द्रबहादुर धानुक, बसन्तकुमार लामा, उत्तमराज सुवेदी,र अरुणकुमार बिसी छन् ।

शुक्रबार साँझ गृहमन्त्रालयमा गृहसचिव महेश्वर न्यौपानेको अध्यक्षतामा बसेको बढुवा समितिको बैठकले रिक्त दस डीआईजी पदमा उनीहरूलाई बढुवाको लागि सिफारिस गरेको हो।

सोमबार बसेको मन्त्रीपरिषद्को बैंठकले साधारण सेवा तर्फको २६ जना डीआईजी दरबन्दी मध्ये १४ जना मात्र कायम गरेपछि डीआईजीको बढुवाको बाटो खुलेको हो । यस अघि २६ मध्ये २२ पद रिक्त थिए ।

१० जना बढुवासँगै अब १४ जना दरबन्दी भएको डीआईजी पदपुर्ति भएको छ । ४ जना यसअघिनै कार्यरत छन् । १० जना डीआईजीको लागि ३४ जना प्रतिस्पर्धामा थिए ।