पूर्वआईजिपी खनालसहित दुई सांंसदले अपहरण गरेको भन्दै सांंसद यादबले दिए प्रहरीमा उजुरी

समाचार

गृहपृष्ठ
समाचार
पूर्वआईजिपी खनालसहित दुई सांंसदले अपहरण गरेको भन्दै सांंसद यादबले दिए प्रहरीमा उजुरी

पूर्वआईजिपी खनालसहित दुई सांंसदले अपहरण गरेको भन्दै सांंसद यादबले दिए प्रहरीमा उजुरी

आइतबार, वैशाख १४, २०७७ बागेश्वरी पोस्ट

काठमाडौं ।समाजवादी पार्टीका सांसद सुरेन्द्र यादवले पूर्वप्रहरी महानिरीक्षक सर्वेन्द्र खनाल, सांसदहरू महेश बस्नेत र किसान श्रेष्ठले आफूलाई अपहरण गरेको भन्दै प्रहरीमा उजुरी दिएका छन्।

उजुरी दर्ता गर्न नयाँ बनेको जनता समाजवादी पार्टीका नेताहरू बाबुराम भट्टराई, उपेन्द्र यादव, राजेन्द्र महतो, शरदसिंह भण्डारीसहित आइतबार दिउँसो महानगरीय प्रहरी परिसर काठमाडौं पुगेर यादवले अपहरण र शरिर बन्धक बनाएको भन्दै जाहेरी दिएका हुन्।

समाजवादी पार्टीका नेता आङकाजी शेर्पाले तीन जनाविरूद्ध अपहरण तथा शरिर बन्धकमा किटानी जाहेरी दिन लागेको बताए। जाहेरी दिन अहिले नेताहरू परिसर कार्यालयमै छन्।

उनीहरूको जाहेरी दर्ता भने भइसकेको छैन। खनाल, बस्नेत र श्रेष्ठले गत बुधबार सांसद यादवलाई अपहरणको शैलीमा जनकपुरबाट काठमाडौं ल्याइपुर्‍याएका थिए। पूर्वआइजिपी खनाल र पूर्वमन्त्री समेत रहेका सांसद बस्नेतले भने आफूहरूले यादवलाई अपहरण गरेको नभई उनकै योजनाअनुसार काठमाडौं आउन सहजीकरण गरेको दाबी गरेका छन्।

समाजवादी फुटाउने योजनासहित जनकपुरबाट काठमाडौं ल्याइएका सांसद यादवलाई बुधबार राति मेरियट होटलमा राखिएको थियो। तर बिहीबार बिहान उनी उक्त होटलबाट फुत्किएका थिए।सेतोपाटीबाट।

प्रकाशित मिति: आइतबार, वैशाख १४, २०७७ १६:१७

प्रतिक्रिया दिनुहोस्