गायक तथा मोडेल गणेश साउद जिसीको फोरजीको स्पीड गीतले बजार ततायो

मनोरञ्जन

गृहपृष्ठ
मनोरञ्जन
गायक तथा मोडेल गणेश साउद जिसीको फोरजीको स्पीड गीतले बजार ततायो

गायक तथा मोडेल गणेश साउद जिसीको फोरजीको स्पीड गीतले बजार ततायो

शुक्रबार, वैशाख १९, २०७७ बागेश्वरी पोस्ट

नेपालगन्ज । फोरजीको स्पीड डिजे गीतले अहिले बजार तताएको छ । बजारमा आएको केही महिनामै गीतको लोकप्रियताले उचाई चुमेको छ । सुदुरपश्चिमका अत्यन्त प्रतिभाशाली गायक, मोडल तथा सर्जक गणेश साउद जिसी यो गीतले अहिले निकै चर्चामा हुनुहुन्छ ।

बजारमा आएको छोटो समयमा नै लाखौं दर्शक एवम् स्रोताको मनमा बस्न सफल फोरजीको स्पीड डिजे गीतमा स्वर साउद जिसीकै छ भने लय, शब्द, म्यूजिक पनि उहाँकै हो । गीतमा एरेन्ज सुमन केसीले गर्नुभएको छ । कार्की जीको ¥याप रहेको गीतमा बिक्रम चौहानले निर्देशन गर्नुभएको छ । यो गीतको भिडियोमा करिश्मा ढकाल, शेर थापा, कार्की जी र गणेश साउद जिसीले नै उत्कृष्ट अभिनय गर्नुभएको छ ।

एक दर्जन भन्दा धेरै एल्बमहरु बजारमा ल्याइसक्नुभएका बुलन्द आवाजका धनी जिसी सुदुरपश्चिममा जन्मिएर विगत लामो समयदेखि नेपाली गीत संगीतलाई आफ्नो पेशा बनाउँदै कलाकारिता क्षेत्रमा चर्चा बटुल्दै आउनुभएको छ । यद्यपि सुदुरपश्चिम क्षेत्रका कालाकारहरुले प्रायः देउडा, लोक तथा सुदूरपश्चिमको ठाडी भाका धेरै गाउने र सर्जक सष्टाहरुले यस्तै भाकाहरु बजारमा ल्याउने गर्छन् । तर, साउद जिसीले सुदुरपश्चिमकै भएपनि डिजे गीत बजारमा ल्याउनुभएको हो ।

कामप्रतिको लगाव र मेहनत गरे जुनसुकै क्षेत्रमा पनि सफल हुन सकिन्छ भन्ने उदाहरण युवा गायक, सर्जक गणेश साउद जिसी बन्नुभएको छ । यो गीत गणेश साउद जिसी नामक व्यक्तिगत युट्युब च्यानलबाट बजारमा आएको हो ।

प्रकाशित मिति: शुक्रबार, वैशाख १९, २०७७ ०९:००

प्रतिक्रिया दिनुहोस्