कोरोना मुक्त भई घर फर्किएका काठमाडौंका एक पुरुषमा पुनः संक्रमण

समाचार

गृहपृष्ठ
समाचार
कोरोना मुक्त भई घर फर्किएका काठमाडौंका एक पुरुषमा पुनः संक्रमण

कोरोना मुक्त भई घर फर्किएका काठमाडौंका एक पुरुषमा पुनः संक्रमण

मंगलबार, वैशाख २३, २०७७ बागेश्वरी पोस्ट

काठमाडौं । स्वास्थ्य तथा जनसंख्या मन्त्रालय स्रोतका अनुसार काठमाडौं पेप्सिकोलास्थित सनसिटी अपार्टमेन्टका ५२ वर्षका पुरुषमा कोरोना पुनः संक्रमणको पुष्टि भएको हो । उनी कोरोना भाइरसबाट मुक्त भएर घर फर्किएका थिए ।

५ चैतमा बेलायतबाट आएर सनसिटीमा बस्दै आएका उनीसँगै उनकी ८१ वर्षीया आमामा कोरोना संक्रमण भएको १ वैशाखमा पुष्टि भएको थियो । पाटन अस्पतालमा उपचार गरेर आमा छोरा ११ वैशाखमा घर फर्किएका थिए ।

तर एक सातापछि पुनः परीक्षणका लागि अस्पताल आएका ५२ वर्षका पुरुषको रिपोर्ट पोजेटिभ आएको स्रोतले बताएको छ । उनको पाटन अस्पतालमै उपचार भइरहेको छ । यसअघि रौतहट र वीरगञ्जमा रहेका दुई भारतीय नागरिकमा पनि पुनः संक्रमण भएको पुष्टि भएको स्वास्थ्य मन्त्रालयले जनाएको छ । यससँगै निको भएर पुनः संक्रमित हुनेको संख्या तीन पुगेको छ ।

प्रकाशित मिति: मंगलबार, वैशाख २३, २०७७ २२:०६

प्रतिक्रिया दिनुहोस्