भारतद्वारा अतिक्रमित जग्गा फिर्ता ल्याउन माग गर्दै सर्बोच्चमा रिट दायर

समाचार

गृहपृष्ठ
समाचार
भारतद्वारा अतिक्रमित जग्गा फिर्ता ल्याउन माग गर्दै सर्बोच्चमा रिट दायर

भारतद्वारा अतिक्रमित जग्गा फिर्ता ल्याउन माग गर्दै सर्बोच्चमा रिट दायर

सोमबार, वैशाख २९, २०७७ बागेश्वरी पोस्ट

काठमाडौं ।भारतले कब्जा गरेर सडक निर्माण गरेकाे नेपालको भूभाग फिर्ता गर्न माग गर्दै सर्वोच्च अदालतमा रिट दायर भएको छ ।

नेपालले कूटनीतिक वार्ता, सम्वाद गरेर कब्जा भएको भूमि तत्काल फिर्ता ल्याउन सरकारका नाममा परमादेश जारी गर्न रिटमा माग गरिएको छ । नेपालले कूटनीतिक वार्ता गरेर यदि भूमि फिर्ता ल्याउन नसक्ने हाे भने कब्जा भएको विषयलाई अन्तर्राष्ट्रियकरण गर्न पनि माग गरिएको छ ।

नेपाल र भारत दुवै संयुक्त राष्ट्र संघमा सदस्य भएको र राष्ट्र संघकाे बडापत्र दुवै देशले पालना गर्नुपर्ने रिटमा माग गरिएको छ । वर्षौ वर्षदेखि भूमि कब्जा गरेर सडक निर्माण हुँदनसम्म नेपाल सरकार के हेरेर बस्याे भन्ने प्रश्न पनि रिटमा गरिएको छ ।

रिटमा मुख्य दुईवटा माग

(१) कब्जा भएको भूमि तुरुन्त वार्ता गरेर फिर्ता ल्याउनुपर्ने ।

(२) यदि फिर्ता ल्याउन नसक्ने हाे भने अन्तर्राष्ट्रियकरण गरी संयुक्त राष्ट्र संघमा निवेदन दिनुपर्ने, विवादकाे समाधान अन्तर्राष्ट्रिय अदालतले गर्ने ।

रिटमा प्रधानमन्त्री तथा मन्त्रिपरिषद् कार्यालय, गृह, रक्षा, परराष्ट्र र भूमि व्यवस्था सहकारी मन्त्रालय गरी पाँच वटा मन्त्रालयलाई विपक्षी बनाइएकाे छ । रिट अधिवक्ताहरू केशरजंग केसी, दीपेन्द्र अधिकारी र लाेकेन्द्र ओलीले दायर गरेका हुन् ।

प्रकाशित मिति: सोमबार, वैशाख २९, २०७७ १६:०८

प्रतिक्रिया दिनुहोस्