लकडाउनको मोडालिटी परिवर्तन गर्दै सरकार

समाचार

गृहपृष्ठ
समाचार
लकडाउनको मोडालिटी परिवर्तन गर्दै सरकार

लकडाउनको मोडालिटी परिवर्तन गर्दै सरकार

शुक्रबार, जेठ २, २०७७ बागेश्वरी पोस्ट

काठमाडौँ । कोभिड-१९ रोकथाम तथा नियन्त्रण उच्चस्तरीय समन्वय समितिले लकडाउनको मोडालिटी परिवर्तन गर्ने गृहकार्य गरेको छ । समितिको शुक्रबार बसेको बैठकले यसबारे तयार गरिएको मोडालिटीसहित निर्णयका लागि सरकारलाई सिफारिस गर्ने निर्णय गरेको हो ।

जेठ ५ गतेपछि थपिने लकडाउनमा नयाँ मोडालिटीको कार्यान्वयन हुने सम्भावना रहेको छ । विज्ञहरुसँगको छलफलपछि समितिले उच्च जोखिममा रहेको क्षेत्र, मध्यम जोखिममा रहेका क्षेत्र र न्यून जोखिममा रहेका क्षेत्रको पहिचान गरी मोडालिटी परिवर्तन गर्ने निर्णय गरेको प्रधानमन्त्री तथा मन्त्रिपरिषद् कार्यालयका सचिव नारायण विडारीले जानकारी दिए ।

समितिले शुक्रबार स्वास्थ्यक्षेत्रका विभिन्न विज्ञहरुसँग छलफल पनि गरेको छ । छलफलमा विज्ञहरुले परीक्षण, कन्ट्याक्ट ट्रेसिङको दायरा बढाउनुपर्ने, क्वारेन्टाइनको व्यवस्थापन राम्रोसँग गर्नुपर्ने सुझाव दिनुका साथै आत्तिनुपर्ने अवस्थामा नभए पनि सचेत हुनुपर्नेमा जोड दिएका थिए । उनीहरुले विदेशबाट आउनेहरुको सवालमा सम्बन्धित स्थानीय तहहरुमा क्वारेन्टाइनको उचित व्यवस्थान गरी ल्याउनुपर्ने सुझाव पनि दिएका छन् । साझापोस्ट

प्रकाशित मिति: शुक्रबार, जेठ २, २०७७ १५:०५

प्रतिक्रिया दिनुहोस्