कोरोनाले लियो नेपालमा पहिलो ज्यान, सुत्केरी महिलाको मृत्यु

समाचार

गृहपृष्ठ
समाचार
कोरोनाले लियो नेपालमा पहिलो ज्यान, सुत्केरी महिलाको मृत्यु

कोरोनाले लियो नेपालमा पहिलो ज्यान, सुत्केरी महिलाको मृत्यु

शनिबार, जेठ ३, २०७७ बागेश्वरी पोस्ट

नेपालगन्ज । कोरोना भाइरस (कोभिड-१९) का कारण नेपालमा पहिलोपटक एक महिलाको मृत्यु भएको छ।

सिन्धुपाल्चोकको बाह्रबिसे नगरपालिका–९ राम्चेकी २९ वर्षीय सुत्केरीको कोरोनाका कारण मृत्यु भएको स्वास्थ्य तथा जनसंख्या मन्त्रालयले जनाएको छ । मन्त्रालयले जारी गरेको विज्ञप्तीमा सहप्रवक्ता डा. समिरकुमार अधिकारीले ती महिलाको कोरोनाका कारण मृत्युु भएको बताउनुभयो ।

बैशाख २४ गते शिक्षण अस्पतालमा सुत्केरी भएर २५ गते घर फर्किएकी उनको स्वासप्रश्वासमा समस्या आएपछि स्थानीय अस्पतालमा उपचार गरिएको थियो । त्यहाँ अवस्था जटिल बनेपछि धुलिखेल अस्पतालमा उपचारका लागि ल्याउँदै गर्दा बाटोमै मृत्युु भएको मन्त्रालयले जनाएको छ । कोरोनासंग मिल्दोजुल्दो लक्षण देखिएर मृत्युु भएका कारण धुलिखेल अस्पतालको प्रयोगशालामा पिसिआर विधिबाट स्वाब परिक्षण गर्दा उनमा कोरोना पोजिटिभ देखियो । त्यसपछि पनि राष्ट्रिय जनस्वास्थ्य प्रयोगशालामा परिक्षण गर्दा समेत पोजिटिभ देखिएपछि उनको मृत्यु कोरोनाले भएको पक्का भएको हो ।

उनको गएराति मृत्यु भएको हो । नेपालमा काेरोना संक्रमितको संख्या २८१ पुगेको छ । ३६ जना भने निको भएका छन् ।