सुनकोशी नदिमा भएको बस दुर्घटनामा मृत्यु हुनेको संख्या दश पुग्यो

समाचार

गृहपृष्ठ
समाचार
सुनकोशी नदिमा भएको बस दुर्घटनामा मृत्यु हुनेको संख्या दश पुग्यो

सुनकोशी नदिमा भएको बस दुर्घटनामा मृत्यु हुनेको संख्या दश पुग्यो

आइतबार, कात्तिक १७, २०७६ बागेश्वरी पोस्ट

काठमाडौं । सुनकोशी नदीमा दुर्घटना भएको बसमा अहिले सम्म १० दश जनाको मृत्यु भएको छ। दोलखाको मागा देउरालीबाट काठमाडौंका लागि छुटेको शैलुंगेश्वर यातायातको बा २ ख ७२४५ नम्बरको बस आइतबार दिउँसो सवा १ बजे सिन्धुपाल्चोकको सुकुटे नजिकै सुनकोशी नदीमा खसेको हो। सिन्धुपाल्चोकका डिएसपी माधव काफ्लेले दिएको जानकारी अनुसार घटनास्थलमा दस जनाको शव फेला परेको छ। अहिले नेपाल प्रहरी, सशस्त्र प्रहरी र स्थानीयवासी उद्धारमा जुटिरहेको स्थानीयवासी ढकप्रसाद तिमिल्सनाले जानकारी दिए।मृतकको संख्या बढ्न सक्छ, हामी खोजी र उद्धार गरिरहेका छौं,’ डिएसपी काफ्लेले भने। मृतकको सनाखत भइसकेको छैन। बसमा ४० यात्रु सवार थिए। घाइतेमध्ये ६ जनाको उद्दार गरी अस्पताल पठाइएको काफ्लेले जानकारी दिए। बसका चालक धनबहादुर तामाङ नदीबाट आफैं माथि आएका थिए। लगत्तै उनी बेहोस भएपछि अस्पताल पठाइएको छ।

प्रकाशित मिति: आइतबार, कात्तिक १७, २०७६ १६:३४

प्रतिक्रिया दिनुहोस्