नेपालमा हालसम्म कोरोनाका ९१३ जना संक्रमित डिस्चार्ज भए

समाचार

गृहपृष्ठ
समाचार
नेपालमा हालसम्म कोरोनाका ९१३ जना संक्रमित डिस्चार्ज भए

नेपालमा हालसम्म कोरोनाका ९१३ जना संक्रमित डिस्चार्ज भए

शनिबार, जेठ ३१, २०७७ बागेश्वरी पोस्ट

काठमाडौं ।कोरोनासंक्रमणबाट थप दुई जनाको मृत्यु भएको पुष्टि भएको छ । मन्त्रालयका प्रवक्ता डा. जागेश्वर गौतमका अनुसार पर्साका २५ वर्षीय पुरुष र निजगढ, बाराका ५ वर्षीय बालकको मृत्यु भएको हो ।

पर्सामा जेठ २८ गते एक पुरुषको शव भेटिएको थियो । नारायण अस्पतालमा पोस्टमार्टमका क्रममा स्वाब संकलन गरिएको थियो र त्यही अस्पतालको ल्याबमा गरिएको परीक्षणमा कोनोरा संक्रमण पुष्टि भएको छ ।

यस्तै बारा, निजगढका ५ वर्षीय बालकको वीरगञ्ज हेल्थ केयर अस्पतालमा उपचारका क्रममा शुक्रबार मृत्यु भएको छ । निमोनियाले ग्रस्त उनको आरडीटी र पीसीआर दुवै टेस्ट पोजेटिभ आएको छ । मन्त्रालयका अनुसार नेपालमा कुल संक्रमितको संख्या ५३ सय ३५ पुगेको छ । उनीहरूमध्ये १८ जनाको मृत्यु भएको छ भने ९१३ जना डिस्चार्ज भएका छन् ।

प्रकाशित मिति: शनिबार, जेठ ३१, २०७७ १७:२२