पर्बतमा पहिरो जादा ३ जनाको मृत्यु, ६ जना बेपत्ता

समाचार

गृहपृष्ठ
समाचार
पर्बतमा पहिरो जादा ३ जनाको मृत्यु, ६ जना बेपत्ता

पर्बतमा पहिरो जादा ३ जनाको मृत्यु, ६ जना बेपत्ता

आइतबार, जेठ ३२, २०७७ बागेश्वरी पोस्ट

पोखरा । पर्वतमा पहिरोमा परेर ३जनाको मृत्यु भएको छ। पर्बतको कुश्मा नगरपालिका ३ दुर्लुङ ढकालबारीमा ठुलो बर्षा सगै गएराति पहिरोमा परेर मृत्यु हुनेको संख्या ३ पुगेको छ भने अन्य ६ जना बेपत्ता भएका छन् ।

पहिरो गएको स्थानमा शनिबार साझ भारी बर्षा भएको थियो। जिल्ला प्रहरी कार्यालय, पर्वतका अनुसार मृत्यु हुनेमा ५८ बर्षका तुलबहादुर थापा, उनकी श्रीमती मिनकुमारी थापा र नातनी विविशा थापाको शव भेटिएको थियो ।

थापाको घरमा रहेका अन्य तीन र कमला विकको घरमा रहेका तीन जना बेपत्ता भएका हुन् । बेपत्ता हुनेहरुमा सम्राट थापा, दीपा थापा, विवेक थापा, कमला विक, जेनिस विक र प्रमिसा विक छन्।

घटनामा अझै ६ जना बेपत्ता छन्। खोजी कार्यमा नेपाली सेना, नेपाल प्रहरी र सशस्त्र प्रहरीको टोली परिचालित गरिएको छ।

प्रकाशित मिति: आइतबार, जेठ ३२, २०७७ ०८:३६

प्रतिक्रिया दिनुहोस्