ट्रक दुर्घटनामा एक जनाको मृत्यु

समाचार

गृहपृष्ठ
समाचार
ट्रक दुर्घटनामा एक जनाको मृत्यु

ट्रक दुर्घटनामा एक जनाको मृत्यु

आइतबार, साउन ११, २०७७ बागेश्वरी पोस्ट

मकवानपुर । मकवानपुरमा आइतबार विहान मालबाहक ट्रक दुर्घटना हुँदा एक जनाको मृत्यु भएको छ भने एकजना घाइते भएका छन् ।

पूर्वपश्चिम राजमार्गअन्तर्गत मनहरी–९ खरङ्गा भन्ने ठाउँमा ट्रक सडकबाट अन्दाजी ३० फिट तल खस्दा ट्रकका सहचालक २० वर्षीय राज चौधरीको मृत्यु भएको जिल्ला प्रहरी कार्यालयले जनाएको छ । दुर्घटनामा मृतक राजका बाबु तथा ट्रकका चालक लक्ष्मीनारायण चौधरी घाइते भएका छन् ।

बारा जिल्लाबाट मकै बोकेर चितवनतर्फ जाँदै गरेको ना ४ ख ७०४ नम्बरको ट्रक अनियन्त्र‍ित भई सडकबाट तल झरेको र चौधरीको च्यापिएर मृत्यु भएको प्रहरीले जनाएको छ । घटनाको बारेमा थप अनुसन्धान भइरहेको जनाइएको छ ।

प्रकाशित मिति: आइतबार, साउन ११, २०७७ १५:२४

प्रतिक्रिया दिनुहोस्