आर्थिक बर्षको सुरुवातमै वाणिज्यको जिल्ला बाहिर अनुगमन

समाचार

गृहपृष्ठ
समाचार
आर्थिक बर्षको सुरुवातमै वाणिज्यको जिल्ला बाहिर अनुगमन

आर्थिक बर्षको सुरुवातमै वाणिज्यको जिल्ला बाहिर अनुगमन

बिहीबार, साउन २२, २०७७ सुनिल रेग्मी

नेपालगन्ज । गत आर्थिक बर्षमा केही सुगम जिल्ला वाहेक अन्यमा अनुगमन नगएर निकै आलोचित बनेको वाणिज्य, आपूर्ति तथा उपभोक्ता संरक्षण कार्यालय नेपालगन्जले यो बर्षको सुरुवातमै जिल्ला बाहिर पनि अनुगमन गरेको छ ।

उसले बिहिवार दाङ जिल्लाको लमहि बजारस्थित आैषधि पसल, सर्जिकल, इलेक्टि्रकल, हार्डवेयर, किराना तथा खाद्यान्न पसलहरुको अनुगमन गरि बाहिरी जिल्लाको पनि अनुगमन शुरु गरेको हो ।

कार्यालयको कार्य क्षेत्र साबिकको मध्यपश्चिमको १६ जिल्ला भएपनि कार्यालयले गत आ ब मा अनुगमन गरेका ५ सय ७४ फर्म मध्य बांके बाहिर ६ जिल्लाका २३ फम मात्र अनुगमन गरेपछि निकै आलोचित भएको थियो । दागमा भएको अनुगमनको क्रममा खरिद बिल पेश नगर्ने कौशल हार्डवेयर पसललाई तत्काल रु २० हजार जरिवाना गरिएको छ ।

त्यसैगरी अनुगमनका क्रममा एउटा व्यवसाय दर्ता गरि अन्य कारोबार नगर्न, आैषधि पसलबाट अन्य कारोवार नगर्न, अनुमति लिएर मात्र थोक कारोवार गर्न, पसल नविकरण गरि सात दिन भित्र पेश गर्न, expire zone को ब्यबस्था गर्न लगायतको निर्देशन दिईएको छ ।

अनुगमनमा वाणिज्य, आपूर्ति तथा उपभोक्ता संरक्षण कार्यालय नेपालगन्जका प्रमुख कृष्ण प्रसाद पौड्याल सहित लमही नगरपालिकाका प्रतिनिधि, इलाका प्रशासन र प्रहरी कार्यालय लमहीका प्रतिनिधि, उपभोक्ता संरक्षण मन्चका प्रतिनिधि लगायतको सहभागिता रहेको थियो ।

प्रकाशित मिति: बिहीबार, साउन २२, २०७७ २०:५४