स्वास्थ अवस्था बिग्रदै गएपछि डा के.सी अस्पताल भर्ना

राजनीति

गृहपृष्ठ
राजनीति
स्वास्थ अवस्था बिग्रदै गएपछि डा के.सी अस्पताल भर्ना

स्वास्थ अवस्था बिग्रदै गएपछि डा के.सी अस्पताल भर्ना

शनिबार, कात्तिक २३, २०७६ बागेश्वरी पोस्ट

फाइल फोटो

डडेल्धुरा । चिकित्सा शिक्षा सुधारका अभियन्ता डा. गोविन्द केसीको स्वास्थ्य अवस्था बिग्रँदै गएपछि उनलाई अस्पताल भर्ना गरिएको छ ।

सोमबारदेखि डडेल्धुरामा १७ औँ चरणको अनशन सुरु गरेका डा. केसीको स्वास्थ्यमा समस्या देखिएपछि उनलाई शुक्रबार बेलुका डडेल्धुरा अस्पताल भर्ना गरिएको हो ।

डा. केसीको रक्तचाप तलमाथि भइरहेकाले उनकै सहमतिमा अस्पतालमा भर्ना गरिएको सो अस्पतालका निमित्त मेडिकल सुपरिटेन्डेन्ट डा. जीतेन्द्र कँडेलले जानकारी दिए । प्रदेशसभा सदस्य कर्णबहादुर मल्ल र स्थानीय प्रसाशनको रोहबरमा डा. केसीलाई अस्पताल भर्ना गरिएको डा. कँडेलले बताए ।

चिसोका कारण डा. केसीको स्वास्थ्यमा समस्या देखिएको उनका भाइ किशोरले बताए । डा. केसीले अस्पतालबाटै अनशन जारी राख्ने उनले बताए । सात बुँदे माग राखी डा. केसीले कात्तिक १८ देखि अनशन थालेका हुन् ।

प्रकाशित मिति: शनिबार, कात्तिक २३, २०७६ ०७:३७

प्रतिक्रिया दिनुहोस्