एसईईको परिक्षाफल सार्वजनिक

शिक्षा

गृहपृष्ठ
शिक्षा
एसईईको परिक्षाफल सार्वजनिक

एसईईको परिक्षाफल सार्वजनिक

सोमबार, भदौ १, २०७७ बागेश्वरी पोस्ट

राष्ट्रिय परीक्षा बोर्ड

नेपालगन्ज । राष्ट्रिय परीक्षा बोर्डको बैठकले केहीबेर अघि विद्यार्थीको परीक्षाफल प्रमाणित गरेको छ ।

परीक्षा नियन्त्रण कार्यालयले करिब एक साता अघि परीक्षाफल तयार गरी बोर्डका अध्यक्षलाई बुझाएको थियो । सोही आधारमा बोर्डले शिक्षामन्त्री गिरिराजमणी पोखरेलसँग सहमति लिएर परीक्षफल प्रकाशित गर्ने निर्णय गरेको बोर्डका एक सदस्यले जानकारी दिए ।

बोर्डले बनाएको मापदण्डका आधारमा यसपटक सम्बन्धित विद्यालयले नै विद्यार्थीलाई अंक प्रदान गरेको छ। सो मूल्यांकनलाई राष्ट्रिय परीक्षा बोर्डले प्रमाणित गर्ने मात्रै हो।

विद्यार्थीको नतिजा सम्बन्धित विद्यालयमै उपलब्ध छ। प्रमाणित भइसकेपछि मात्रै विद्यालयले सार्वजनिक गर्नेछन्। कक्षा १० मा देशभर ४ लाख ८२ हजार ७ सय ७ जना विद्यार्थी छन्।

नतिजा प्रकाशन पश्चात पुनर्योग गराउने, उत्तरपुस्तिका हेर्ने, पुनः परीक्षण गराउने र पुरक ग्रेडवृद्धि परीक्षा यस वर्ष सञ्चालन हुने छैन।

प्रकाशित मिति: सोमबार, भदौ १, २०७७ १८:५२

प्रतिक्रिया दिनुहोस्