कृष्णसार तिज नृत्यमा बर्दियाकी पूर्णिमाले जितिन ताज

मनोरञ्जन

गृहपृष्ठ
मनोरञ्जन
कृष्णसार तिज नृत्यमा बर्दियाकी पूर्णिमाले जितिन ताज

कृष्णसार तिज नृत्यमा बर्दियाकी पूर्णिमाले जितिन ताज

शुक्रबार, भदौ २६, २०७७ बागेश्वरी पोस्ट

नेपालगन्ज । रेडियो कृष्णसार एफएमको आयोजनामा गरिएको तिज डिजिटल संस्करणको बर्दियाकी पूर्णिमा हमाल प्रथम भएकी छिन् ।त्यस्तै बॉके खजुराकी आशिका नेपाली दोस्रो, खजुराकै पूजा पुन मगर तेस्रो र नेपालगन्जकी एलिजा चौधरीले सान्त्वना पुरस्कार जितेकी छिन् ।प्रत्येक वर्ष विभिन्न जिल्लाका स्थानीय तहमै पुगेर भब्य समारोहबीच तिजको अवसरमा नृत्य प्रतियोगिता गर्दै आएको कृष्णसार एफएमले यसपटक कोरोना संक्रमणमा सजकता अपनाउँदै डिजिटल प्रविधिमार्फत प्रतियागिता सम्पन्न गरेको इभेन्ट प्रोड्युसर एवं कन्सेप्ट डिजाइनर कृष्ण अधिकारीले बताए । ‘आउ नाचौ तीज डिजिटल प्रतियोगिताको आठौं श्रृङ्खला अन्र्तगत गरिएको डिजिटल संस्करणमा मौलिक परम्परागत कला संस्कृति झल्किने गरी करीब ३ मिनेटकोे नृत्य भिडियो सहभागीहरुले पठाएका थिए । प्रतियोगीले स्वयम् छायाङ्कन गरेको सो भिडियो रेडियो कृष्णसारको आधिकारिक फेसबुक पेजमा पोष्ट गरिएको थियो । भ्यूज र लाइक्सको आधारमा नजिता प्रकाशित गरिएको हो । प्रतियोगतामा बाँके, बर्दियालगायतका जिल्लाबाट २४ जनाले सहभागिता जनाएका थिए । प्रतियोगिताका विजेता प्रथमलाई १५ हजार, दोस्रोलाई १० हजार, तेस्रोलाई ५ हजार र सान्त्वना हुनेलाई ३ हजार नगद प्रदान गरिनेछ । पुरस्कार केही दिनमा प्रदान गरिने रेडियोले जनाएको छ । सामाजिक सञ्जालमा पोष्ट गरिएको भ्यूज अनुसार प्रथम हुनेको १ लाख ३१ हजार भ्यूज र २३ हजार लाइक्स, दोस्रो हुनेको १ लाख २३ हजार भ्यूज र ५ हजार ५ सय लाइक्स ,तेस्रो हुनेको २९ हजार लाइक्स र ७७ हजार भ्यूज आएको छ । यसैगरी सान्त्वना हुनेको ४ हजार ९ सय लाइक्स र ५६ हजार भ्यूज आएको छ ।

प्रकाशित मिति: शुक्रबार, भदौ २६, २०७७ २०:११

प्रतिक्रिया दिनुहोस्