जेल सजाय काटिरहेका शम्भु भारती मस्ती गर्न हिमालयन होटेलमा, असई निलम्बित

समाचार

गृहपृष्ठ
समाचार
जेल सजाय काटिरहेका शम्भु भारती मस्ती गर्न हिमालयन होटेलमा, असई निलम्बित

जेल सजाय काटिरहेका शम्भु भारती मस्ती गर्न हिमालयन होटेलमा, असई निलम्बित

आइतबार, कात्तिक २४, २०७६ बागेश्वरी पोस्ट

शम्भु भारती

काठमाडौं ।डिल्लीबजार कारागारको प्रहरीले सुडान घोटालाका दोषी शम्भु भारतीलाई होटल हिमालय पुर्‍याएको खुलेको छ। वीर अस्पतालमा उपचार गर्ने कागजात बनाएका भारती कुपण्डोलस्थित होटलसम्म पुगेको देखिएपछि प्रहरीले घटनाबारे छानबिन नै थालेको छ।

महानगरीय प्रहरी कार्यालय रानीपोखरीले भारतीलाई उपचार बहानामा होटल हिमालयन लगेर ‘मोज’ गराएको आरोपमा एक जना असईलाई निलम्बन नै गरेको छ। डिल्लीबजार कारागारका प्रहरी सहायक निरीक्षक प्रकाश ढाँटलाई शनिबार निलम्बन गरेको हो।

महानगरीय प्रहरी कार्यालय रानीपोखरीका प्रमुख प्रहरी नायब महानिरीक्षक शैलेश थापा क्षेत्रीका अनुसार उपचार गर्ने पत्रवाहक भारतीलाई असई ढाँटले हिमालयन होटल पुर्‍याएको देखिएकाले उनलाई निलम्बन गरिएको हो।

‘ड्युटी इन्चार्ज ढाँट भएको बेलामा भारती होटल हिमालयन पुगेको देखिएपछि असईलाई निलम्बन गरिएको हो,’ थापाले भने, ‘यस घटनाबारे थप छानबिन भइरहेको छ।’ श्रोत सेतोपाटी।

प्रकाशित मिति: आइतबार, कात्तिक २४, २०७६ १७:१६