कोरोना संक्रमितको सँख्या बढे फेरि लकडाउन गर्ने तयारी

समाचार

गृहपृष्ठ
समाचार
कोरोना संक्रमितको सँख्या बढे फेरि लकडाउन गर्ने तयारी

कोरोना संक्रमितको सँख्या बढे फेरि लकडाउन गर्ने तयारी

बुधबार, असोज ७, २०७७ बागेश्वरी पोस्ट

काठमाडौं । नेपालमा कोरोना भाइरस संक्रमितको सँख्या बढेमा सरकारले फेरि लकडाउन गर्ने तयारी गरेको छ ।

स्वास्थ्य तथ जनसँख्या मन्त्रालयका प्रवक्ता डा. जागेश्वर गौतमले नियमित पत्रकार सम्मेलनको क्रममा उक्त जानकारी गराएका हुन् । उनले नेपालमा सक्रिय संक्रमितको सँख्या २५ हजार नाघेमा लकडाउन गरिने बताए । सक्रिय संक्रमितको सँख्यमा बढेमा अहिलेको स्वास्थ पूर्वाधारले धान्न नसक्ने भएकाले स्वास्थ तथा जनसँख्या मन्त्रालयको इन्सिडेन्ट कमान्ड सिस्टमले २५ हजार भन्दा बढी सक्रिय संक्रमित पुगेमा लकडाउन गर्ने निर्णय गरेको बताए ।

२५ हजार भन्दा बढी सक्रिय संक्रमित पुगेमा लकडाउन गर्नका लागि सिफारिस गरिएको गौतमको भनाई थियो । बुधबार गराइएको जानकारी अनुसार नेपालमा कोरोना भाइरसका सक्रिय संक्रमितको सँख्या १७ हजार ४ सय १४ रहेको छ । गौतमका अनुसार पछिल्लो २४ घण्टामा कोरोना भाइरस (कोभिड १९) का ११ सय ७४ जना नयाँ संक्रमित फेला परेका छन् । संक्रमितको उक्त सँख्यासँगै नेपालमा कुल संक्रमितको सँख्या ६८ हजार ८ सय भन्दा बढी पुगेको छ । मन्त्रालयका प्रवक्ता डा. जागेश्वर गौतमले हालसम्म ४९ हजार भन्दा बढी संक्रमित निको भएर घर फर्किसकेका छन् ।

पछिल्लो २४ घण्टामा निको भएर घर फर्किनेको सँख्या १८ सय ९३ जना रहेको छ । पछिल्लो २४ घण्टामा ९ हजार ४ सय ४९ स्वाब परिक्षण गरेको गौतमले बताए । उनका अनुसार हालसम्म पीसीआर परिक्षणको सँख्या ९ लाख ४४ हजार ४ सय ७४ पुगेको छ ।

हाल नेपालमा ४३ जना कोभिड १९का गम्भीर विरामी रहेको मन्त्रालयले जानकारी गराएको छ । हाल ४३ जना संक्रमितको भेन्टिलेटरमा उपचार भइरहेको छ ।हाम्राकुराबाट।

प्रकाशित मिति: बुधबार, असोज ७, २०७७ १७:५६

प्रतिक्रिया दिनुहोस्