भारतको नयाँ नक्सा प्रती नेपाली सेनाले चासो देखायो

समाचार

गृहपृष्ठ
समाचार
भारतको नयाँ नक्सा प्रती नेपाली सेनाले चासो देखायो

भारतको नयाँ नक्सा प्रती नेपाली सेनाले चासो देखायो

सोमबार, कात्तिक २५, २०७६ बागेश्वरी पोस्ट

नेपाली सेना

काठमाडौं । भारतले सार्वजनिक गरेको राजनीतिक नक्साबारे नेपाली सेना चासो देखाएको छ। यस बिषयमा जंगीअड्डामा गहन छलफल भएको छ। नेपाली भूभागलाई भारतको नक्सामा पारेको विषयमा विभिन्न दल, नागरिक समाज, बौद्धिक वर्ग र सर्वसाधारणबीच छलफल बढेपछि नेपाली सेनाले चासो देखाएको हो। प्रधानसेनापति पूर्णचन्द्र थापाले नेपाली भूभागको रक्षामा सुरक्षाकर्मी चुक्न नहुने भन्दै अन्य तीन सुरक्षा निकायका प्रमुखसँग छलफल चलाएका हुन्। नेपाली भूभागमा रहेको भारतीय सुरक्षाकर्मीलाई फिर्ता पठाउने र अन्य सीमा पनि सुरक्षित गर्न कूटनीतिक एवं रणनीतिक तयारीमा पनि सेना अग्रसर भएको छ। लिम्पियाधुरा, कालापानी र लिपुलेक क्षेत्रमा पाँच दशकदेखि भारतीय सुरक्षाकर्मीको उपस्थिति रहेकामा कसरी फिर्ता पठाउने भन्ने विषयमा जंगीअड्डामा सुरक्षा प्रमुखबीच बहस भएको सैन्य उच्च स्रोतले बताएको छ।श्रोत:अन्नपूर्णपोस्ट।

प्रकाशित मिति: सोमबार, कात्तिक २५, २०७६ ०७:३०

प्रतिक्रिया दिनुहोस्