डा. केसीको अनशन स्थगित

राजनीति

गृहपृष्ठ
राजनीति
डा. केसीको अनशन स्थगित

डा. केसीको अनशन स्थगित

मंगलबार, कात्तिक २६, २०७६ बागेश्वरी पोस्ट

फाइल फोटो

नेपालगन्ज। कात्तिक १७ गतेदेखि डडेल्धुरामा जारी डा. गोविन्द केसीको आमरण अनशन स्थगित भएकोछ । डा. केसीले देशमा सीमा विवादको मुद्दा चलेकाले आफूले अनशन स्थगित गर्ने निर्णय गरेका हुन् । उनले मंगलबार एक विज्ञप्ति जारी गरी अनशन स्थगित गरेको जानकारी दिएका हुन् । ‘राष्ट्रियताको संवेदनशील विषयमा देशभरमा जनस्तरबाट आवाज उठिरहँदा उहाँहरुको संवेदनालाई हृदयंगम गर्दै हाल जारी सत्याग्रह तत्कालका लागि स्थगन गर्ने निर्णय गरेका छौं’, केसीले जारी गरेको विज्ञप्तिमा भनिएको छ । केसीले ७ बुँदे माग राख्दै कात्तिक १७ गतेदेखि डडेल्धुराबाट अनशन सुरु गरेका थिए । अनसनका क्रममा डा. केसीको स्वास्थ्यमा समस्या देखिएपछि जिल्ला अस्पताल भर्ना गरिएको छ । तर आईसीयू लगायतका सुविधा नरहेको भन्दै डेडल्धुरा अस्पतालले उनलाई सुविधासम्पन्न अस्पतालमा लैजान भनेको छ । सोमबार डा.केसीलाई दिन नेपाली सेनाको हेलिकप्टर डडेल्धुरा पुगेको थियो । तर उनले माग पुरा नगरेसम्म डडेल्धुरा नछाड्ने भन्दै काठमाडौं आउन अस्विकार गरेका थिए ।

प्रकाशित मिति: मंगलबार, कात्तिक २६, २०७६ २०:३०