अत्यधिक रक्तश्रावका कारण सुत्केरीको ज्यान गयो

समाचार

गृहपृष्ठ
समाचार
अत्यधिक रक्तश्रावका कारण सुत्केरीको ज्यान गयो

अत्यधिक रक्तश्रावका कारण सुत्केरीको ज्यान गयो

मंगलबार, कात्तिक २६, २०७६ बागेश्वरी पोस्ट

म्याग्दी । धौलागिरी गाउँपालिका २ लुलाङ गाउँमा एक जना सुत्केरीको ज्यान भएको छ।

अत्यधिक रक्तश्रावका कारण ३० वर्षीया सतीकला विकको मृत्यु भएको हो। सोमबार राति स्वास्थ्य चौकीमा सतीकलाले बच्चा जन्माएकी थिइन् ।

अवस्था सामान्य भएपछि उनलाई मंगलबार बिहान घर लगिएको थियो । सतीकलालाई अत्यधिक रक्तश्राव भएको थियो । तर रक्तश्रावले बेहोस भएपछि सतीकलालाई पुनः स्वास्थ्य चौकी ल्याइएको थियो । स्वास्थ्यचौकीमा उपचार सम्भव नभएपछि हेलिकोप्टरबाट पोखरा लैजाने प्रयास गर्दागर्दै मंगलबार दिउँसो सतीकलाको ज्यान गएको हो ।

सतीकलाले जन्माएका शिशुको अवस्था भने सामान्य छ। पोखराबाट हेलिकप्टर उड्नै लाग्दा उनको मृत्य भएको थियो । सतीकलाले सोमबार चौथो सन्तान जन्माएकी हुन्।

प्रकाशित मिति: मंगलबार, कात्तिक २६, २०७६ २१:२४

प्रतिक्रिया दिनुहोस्