गुल्मीमा जीप दुर्घटना हुँदा ५ जनाको मृत्यु

समाचार

गृहपृष्ठ
समाचार
गुल्मीमा जीप दुर्घटना हुँदा ५ जनाको मृत्यु

गुल्मीमा जीप दुर्घटना हुँदा ५ जनाको मृत्यु

शुक्रबार, मंसिर १२, २०७७ बागेश्वरी पोस्ट

सांंकेतिक तस्बिर

गुल्मी । गुल्मीमा आज बिहान जीप दुर्घटना हुँदा ५ जनाको मृत्यु भएको छ । दुर्घटनामा २ जना गम्भीर घाइते भएका छन्।

आज बिहान इस्माबाट तम्घास आउँदै गरेको जीप दुर्घटनामा परेको हो ।इस्मा गाउँपालिका वडा नम्बर ४ को हुलमा लु १ ज ११६६ नम्बरको जीप दुर्घटना हुँदा ५ जनाको घटनास्थलमै मृत्यु भएको जिल्ला प्रहरी कार्यालय गुल्मीले जानकारी दिएको छ ।

दुर्घटनामा इस्मा गाउँपालिका ४ हुलका ६५ वर्षीय डम्बर हितान, ३३ वर्षीय शिव दर्लामी, ३० वर्षीय बसन्त दर्लामी, ३३ वर्षीय धन बहादुर अछामी र मालिका गाउँपालिका ५ का ८० वर्षीया सुन्दरी थापाको मृत्यु भएको जानकारी दिएको छ। दुर्घटनामा इस्मा गाउँपालिका ४ हुलकै १९ वर्षीय फर्सुराम थापा, २८ वर्षीया सरस्वती दर्लामी र सहचालक २५ वर्षीय कमल हितान घाइते भएका छन् ।

चालक बुद्ध बस्नेत सकुशल रहेका प्रहरीले जनाएको छ । घाइतेहरुलाई उपचारको लागि गुल्मी अस्पताल पठाइएको छ।जीपमा चालकसहित ९ जना थिए ।

दुर्घटनामा परेको जीप सडकबाट करिब ४ सय मिटर तल खसेको थियो । चालक र सहचालकलाई इस्मा प्रहरीले नियन्त्रणमा लिएको छ ।

प्रकाशित मिति: शुक्रबार, मंसिर १२, २०७७ १०:५४