प्रजिअ कुरुम्बाङको पहलमा घर भत्काएर सडक विस्तार गरिने

स्थानीय

गृहपृष्ठ
स्थानीय
प्रजिअ कुरुम्बाङको पहलमा घर भत्काएर सडक विस्तार गरिने

प्रजिअ कुरुम्बाङको पहलमा घर भत्काएर सडक विस्तार गरिने

सोमबार, फागुन १०, २०७७ बागेश्वरी पोस्ट

भत्काउने सहमति भएको घर

नेपालगञ्ज । बाँकेका प्रमुख जिल्ला अधिकारी रामबहादुर कुरुम्बाङको पहलमा नेपालगञ्ज–गुलरिया सडकखण्ड अन्तर्गत् मानपुरमा रहेको एक घर भत्काएर सडक विस्तार गरिने भएको छ ।

सडक किनारमा रहेको उक्त घरका कारण सडक साँघुरो हुँदा त्यस ठाउँमा दुर्घटना बढी हुँदै आएकाले घरधनीसंग सहमति गरेर घर भत्काउन लागिएको प्रमुख जिल्ला अधिकारी कुरुम्बाङले बताउनुभयो ।

कुरुम्बाङले सामाजिक सञ्जाल फेसबुक मार्फत् यही फागुन १४ गते उक्त घर हटाई सडक बिस्तार गर्ने सहमति घरधनीसंग भएको सार्वजनिक गर्नुभएको छ ।

प्रमुख जिल्ला अधिकारी कुरुम्बाङले बाँकेमा प्रमुख जिल्ला अधिकारीको रुपमा आउनासाथ उक्त घर सहमतिमा भत्काएर सडक विस्तार गरिने बताउनुभएको थियो ।

प्रकाशित मिति: सोमबार, फागुन १०, २०७७ १६:१०