खडैचा बिओपीद्वारा ७ वटा मोटरसाइकलसहित तस्कर पक्राउ,५ क्विन्टल कुखुरा बरामद

स्थानीय

गृहपृष्ठ
स्थानीय
खडैचा बिओपीद्वारा ७ वटा मोटरसाइकलसहित तस्कर पक्राउ,५ क्विन्टल कुखुरा बरामद

खडैचा बिओपीद्वारा ७ वटा मोटरसाइकलसहित तस्कर पक्राउ,५ क्विन्टल कुखुरा बरामद

बुधबार, फागुन १२, २०७७ बागेश्वरी पोस्ट

नेपालगन्ज । सशस्त्र प्रहरीले बाँकेको डुडुवा गाउँपालिकाबाट धेरैको संख्यामा मोटरसाइकल, तस्करहरुसहित ठुलो परिमाणमा कुखुरा बरामद गरेको छ।

सशस्त्र प्रहरीको खडैचा बिओपीबाट सशस्त्र प्रहरी निरीक्षक हिमाल केसीको कमान्डमा गएको टोलीले आज बिहान ३ बजे डुडुवा गाउँपालिका वडा नम्बर १ पाँजाबाट पाँच क्विन्टल भारतबाट आउँदै गरेको अवैध कुखुरा बरामद गरेको छ।

सशस्त्र प्रहरी निरीक्षक केसीको कमान्डले कुखुरासहित ७ वटा मोटरसाइकल र ७ जना तस्करहरुलाई पक्राउ गरेको सशस्त्र प्रहरी बल नम्बर ३० गण बागेश्वरी बाँकेले जानकारी दिएको छ । बरामद गरिएको सबै अवैध सामाग्रीको मूल्य साढे ४ लाख बढीको रहेको सशस्त्र प्रहरीले जनाएको छ ।

आज बिहान बरामद गरिएका अवैध कुखुरा, मोटरसाइकलसहित सातै जना तस्करहरुलाई आबश्यक कारबाहीका लागि नेपालगन्ज भन्सार बुझाइएको सशस्त्र प्रहरीले बताएको छ । सशस्त्र प्रहरी निरीक्षक केसीलाई बिशेष सूचना आए पश्चात् रातभरको कडा अपरेशनले तस्करहरुसहितलाई पक्राउ गरेको हो ।

सशस्त्र प्रहरीको खडैचा बिओपीले आफ्नो मातहतको ईलाकामा तस्करीविरुद्ध बिशेष निगरानी गरिरहेको छ ।

प्रकाशित मिति: बुधबार, फागुन १२, २०७७ १४:०९

प्रतिक्रिया दिनुहोस्