राप्तीसोनारी गाउँपालिकामा मुक्त कम्लहरीका लागि सिलाई-कटाई तालिम

स्थानीय

गृहपृष्ठ
स्थानीय
राप्तीसोनारी गाउँपालिकामा मुक्त कम्लहरीका लागि सिलाई-कटाई तालिम

राप्तीसोनारी गाउँपालिकामा मुक्त कम्लहरीका लागि सिलाई-कटाई तालिम

बुधबार, फागुन १२, २०७७ बागेश्वरी पोस्ट

नेपालगन्ज । बाँकेको राप्तीसोनारी गाउँपालिकामा दुई महिने सिलाई-कटाई तालिम सुरु भएको छ ।

तालिमको गाउँपालिकाकी उपाध्यक्ष धनीकुमारी खत्रीले उद्घाटन गर्नुभयो । दलित सेवा संघ बाँकेको आयोजना एवम् राप्तीसोनारी गाउँपालिकाको आर्थिक सहयोगमा मुक्त कम्लहरी सम्बन्धित आयआर्जन कार्यक्रम अन्तरगत् दुई महिने व्यवसायिक सिलाई-कटाई तालिम सुरु गरिएको हो । उद्धघाटन कार्यक्रम दलित सेवा संघ बाँकेका अध्यक्ष कृष्णबहादुर विकेको सभापतित्वमा सम्पन्न भएको थियो ।

उद्घाटन कार्यक्रम वडा नम्बर ५ का अध्यक्ष झगरु थारु, भुवरभुवानी मावि व्यवस्थापन समितिका अध्यक्ष अतवारी थारु, भुवरभुवानी माविका प्राचार्य चेतबहादुर विष्ट, दलित सेवा संघका राप्तीसोनारी अध्यक्ष धनविर विक, मुक्त कम्लहरी विकास मंच बाँकेकी अध्यक्ष पार्वती थारु, राप्तीसोनारी मुक्त कम्लहरी विकास मंच अध्यक्ष सुनिता थारु, सहजकर्ता पदम परियार लगायत २० जना मुक्त कम्लहरीहरुको उपस्थिति थियो ।

प्रकाशित मिति: बुधबार, फागुन १२, २०७७ २०:३६

प्रतिक्रिया दिनुहोस्