नरैनापुरको डेढ सय बर्ष पुरानो मेला यो बर्ष पनि चल्दै

स्थानीय

गृहपृष्ठ
स्थानीय
नरैनापुरको डेढ सय बर्ष पुरानो मेला यो बर्ष पनि चल्दै

नरैनापुरको डेढ सय बर्ष पुरानो मेला यो बर्ष पनि चल्दै

बिहीबार, फागुन १३, २०७७ बागेश्वरी पोस्ट

नरैनापुर(बाँके) । बाँकेको नरैनापुर गाँउपालिकामा हरेक बर्ष धर्मगुरुको सम्झनामा लाग्दै आएको मेला यस बर्ष पनि चलिरहेको छ । नरैनापुर गाँउपालिका वडा नम्बर २ को गंगापुर (मियाँपुर्वा) मा मंगलबारदेखि चलेको मेला ७ दिनसम्म सञ्चालन हुनेछ ।

No description available.

गंगापुरमा रहेको हजरत खलिफा नुर अहमद शाहको मजारमा डेढ सय बर्षदेखि हरेक बर्ष मेला आयोजना हुँदै आएको छ । १८ बर्षसम्म पहाडमा तपस्या गरेर बसेका तत्कालीन धर्मगुरु खलिफा नुर अहमद शाहको सम्झनामा सन् १८५७ देखि हरेक बर्ष बसन्त पञ्चमीपछि मेला लाग्दै आएको छ । मेलाको पहिलो दिन मंगलबार राति १० बजे गुस्ल, दोस्रो दिन बुधबार विहान १० बजे कुल, दोस्रो दिन नै बुधबार राति ७ बजेदेखि राति १० बजेसम्म गागरसंगै कवाली र राति १० बजेदेखि भारतीय कलाकारहरुको साथ नातिया मुशायरा लगायतका कार्यक्रम गरिएको छ ।

No description available.

मेलामा सामूहिक भण्डारा, प्रार्थना, कव्वाली, नाच तथा तथा जादु खेल लगायत हुने गरेको छ । मेलामा बाँके, बर्दिया लगायत छिमेकी मुलुक भारतको बहराइच, श्रावस्ती, गोण्डा, बलरामपुर लगायत उत्तरप्रदेश तथा गुजरातबाट समेत दर्शालुहरु आउने गरेका नरैनापुर गाउँपालिकाका अध्यक्ष इस्तियाक अहमद शाहले बताउनुभयो । सबै धर्मका मानिसहरु पुगेर रमाइलो गर्ने र आपसी सद्भाब बढाउने यो मेलाको बिशेषता रहेको अध्यक्ष शाहले बताउनुभयो । खलिफा नुर अहमद शाहको मजारप्रति दर्शालुहरुको धार्मिक आस्था रहेकाले च्यादर चढाउने, भाकल हाल्नेहरुको पनि मेलामा भीड लाग्ने गरेको छ ।

No description available.