राँझा विमानस्थलमा भोलि आपतकालीन पूर्व अभ्यास गरिने

स्थानीय

गृहपृष्ठ
स्थानीय
राँझा विमानस्थलमा भोलि आपतकालीन पूर्व अभ्यास गरिने

राँझा विमानस्थलमा भोलि आपतकालीन पूर्व अभ्यास गरिने

बिहीबार, फागुन १३, २०७७ बागेश्वरी पोस्ट

राँझा विमानस्थल, नेपालगन्ज

नेपालगञ्ज । नेपालगञ्जको राँझा विमानस्थलमा बृहत् आपतकालीन पूर्व अभ्यास गरिने भएको छ ।

नेपालका आन्तरिक विमानस्थलमध्ये नेपालगन्जमा वृहत् आपतकालीन पूर्व अभ्यास गर्न लागिएको हो । विमानस्थलभित्र जहाज दुर्घटना भएको अवस्थामा विमानस्थल संचालन र आपतकालीन उद्धारमा सरोकारवालाहरुको सक्रियतालाई व्यवहारिकरुपमै अभ्यास गर्न बृहत् आपतकालीन पूर्व अभ्यास गरिन्छ । भोलि विहान १० देखि साढे १० बजेको बीचमा विमानस्थलमा पूर्व अभ्यास गर्न लागिएको राँझा विमानस्थल नेपालगञ्जका प्रमुख प्रेमनाथ ठाकुरले जानकारी दिनुभयो ।

पूर्व अभ्यासको समयमा विमानस्थल बन्द हुनेछ । फायर फाइटर, सेना, सशस्त्र प्रहरी र जनपथ प्रहरीका उद्धार टोली विमानस्थलमा आउनेछन् । एम्बुलेन्स तथा दमकल समेत तयारी अवस्थामा राखी फुल स्केलको आपतकालीन अभ्यास गर्न लागिएको विमानस्थल प्रमुख ठाकुरले बताउनुभयो ।

प्रकाशित मिति: बिहीबार, फागुन १३, २०७७ १७:१८