दाङमा एक शिक्षक आफ्नै आंगनमा मृत भेटिए

स्थानीय

गृहपृष्ठ
स्थानीय
दाङमा एक शिक्षक आफ्नै आंगनमा मृत भेटिए

दाङमा एक शिक्षक आफ्नै आंगनमा मृत भेटिए

शुक्रबार, फागुन १४, २०७७ बागेश्वरी पोस्ट

दाङ । दाङमा एक शिक्षक मृत फेला परेका छन् । घोराही उपमहानगरपालिका वडा नम्बर १० सौंडीकुलाका अन्दाजी ४३ वर्षीय श्रीधर घिमिरे आफ्नै आँगनमा मृत अवस्थामा फेला परेको जिल्ला प्रहरी कार्यालय बाँकेले जनाएको छ ।

मावि लमडरुवाका सहायक प्रधानाध्यापक घिमिरे श्रीमती बच्चासहित माइतीको गएका कारण बिहीबार राति घरमा एक्लै रहेको प्रहरीले जनाएको छ । आफ्नै घरको दोस्रो तल्लाबाट लडेर घिमिरेको मृत्यु भएको हुन सक्ने अनुमान गरिएको जिल्ला प्रहरी कार्यालय दाङका प्रबक्ता प्रहरी नायब उपरिक्षक मुकुन्द रिजालले बताउनुभयो । घिमिरेको शव घरको दोस्रो तल्लाको शौचालय मुनी आँगनमा फेला हो । शौचालय जान खोज्दा लडेर मृत्यु भएको हुनसक्ने अनुमान गरिएको छ ।

घिमिरेको कोठाको प्रकृति हेर्दा राति उहाँले मदिरा सेवन गरेको प्रहरीको भनाई छ । मदिरा सेवन गर्दै गर्दा शौचालय जाने क्रममा उहाँ घरको दोस्रो तलाबाट लडेर मृत्यु भएको हुन सक्ने रिजालले बताउनुभयो । शव पोष्टमार्टमका लागि राप्ती स्वास्थ्य विज्ञान प्रतिष्ठानमा लगिएको छ ।

प्रकाशित मिति: शुक्रबार, फागुन १४, २०७७ १२:५६