डुडुवामा घरघरमा पुगेर दोस्रो चौमासिक भत्ता वितरण सुरु

स्थानीय

गृहपृष्ठ
स्थानीय
डुडुवामा घरघरमा पुगेर दोस्रो चौमासिक भत्ता वितरण सुरु

डुडुवामा घरघरमा पुगेर दोस्रो चौमासिक भत्ता वितरण सुरु

शनिबार, फागुन १५, २०७७ बागेश्वरी पोस्ट

डुडुवा (बाँके) । बाँकेको डुडुवा गाउँपालिकाले सामाजिक सुरक्षा (जेष्ठ नागरिक) भत्ता वितरण शुरु गरेको छ । नयाँ आर्थिक बर्ष २०७७/०७८ को दोस्रो चौमासिक अन्तर्गत् मंसिरदेखि फागुनसम्मको भत्ता वितरण गर्न थालिएको हो ।

गाउँपालिकाको ६ वटै वडामा शुक्रबारदेखि भत्ता वितरण शुरु गरिएको छ । गाउँपालिका अध्यक्ष नरेन्द्रकुमार चौधरीले वडा नम्बर २ कोलही गाउँका जेष्ठ नागरिक सतगुर सरन कुर्मीलाई भत्ता रकम हस्तान्तरण गर्दै शुभारम्भ गर्नुभयो । त्यस अवसरमा बोल्दै उहाँले गाउँपालिकाले विगतदेखि नै जेष्ठ नागरिकको सम्मान गर्दै घरघरमा पुगेर रकम वितरण गर्दै आएको बताउनुभयो । अध्यक्ष चौधरीले आशिंक अपांगता भएकाहरुलाई आर्थिक सहयोग गाउँपालिकाले आफनै स्रोतबाट उपलब्ध गराएको भन्दै जेष्ठ नागरिकको पूर्णरुपमा नि:शुल्क स्वास्थ्य उपचारको व्यवस्था गरेको जानकारी गराउनुभयो ।

गाउँपालिकाले जेष्ठ नागरिकको सम्मान गर्दै घरघरमा पुगेर भत्ता वितरण गरिरहेको छ । प्रत्येक वडामा कर्मचारीलाई खटाई घरदैलोमा पुगेर भत्ता वितरण गरिरहेको वडा नम्बर २ का सचिव शिवकुमार मौर्यले बताउनुभयो । उहाँका अनुसार गाउँपालिकाको ६ वटै वडामा जेष्ठ नागरिक, बालबालिका, दलित, अपांग, एकल महिला, विधुवा गरी ३ हजार ९ सय ७३ जनालाई सामाजिक सुरक्षा भत्ता वितरण गरिनेछ ।

प्रकाशित मिति: शनिबार, फागुन १५, २०७७ २०:१५

प्रतिक्रिया दिनुहोस्