विद्यालयमा लैंगिकमैत्री वातावरण र बालविवाह न्यूनीकरणका विषयमा अभिमुखीकरण

स्थानीय

गृहपृष्ठ
स्थानीय
विद्यालयमा लैंगिकमैत्री वातावरण र बालविवाह न्यूनीकरणका विषयमा अभिमुखीकरण

विद्यालयमा लैंगिकमैत्री वातावरण र बालविवाह न्यूनीकरणका विषयमा अभिमुखीकरण

बिहीबार, फागुन २०, २०७७ बागेश्वरी पोस्ट

डुडुवा (बाँके) । बाँकेको डुडुवा गाउँपालिकामा बालविवाह रोकथाम परियोजना अन्तर्गत् विद्यालयमा लैंगिकमैत्री वातावरण निर्माण र बालविवाह न्यूनीकरणका विषयमा अभिमुखीकरण गरिएको छ ।

No description available.

प्लान नेपाल इन्टरनेशन क्षेत्रीय कार्यालय सुर्खेतको सहयोगमा सामाजिक सरोकार सचेतन मञ्च स्याक नेपालले शिक्षक, विद्यालय व्यवस्थापन समिति तथा शिक्षक अभिभावक संघका लागि डुडुवा गाउँपालिका वडा नम्बर ४ साहपुर्वास्थित श्री आधारभूत विद्यालयमा आज आयोजना गरेको एक दिने अभिमुखीकरण कार्यक्रममा विद्यालयमा बालिकाहरुको अनियमितता तथा कम उपस्थितिका कारण र असर, विद्यालयमा लैगिंकमैत्री वातावरण निर्माण, लैंगिकमैत्री वातावरणको सिर्जना गर्दै बालिकाहरुलाई विद्यालयमा टिकाइराख्ने उपाय, बालविवाह मुक्त वडा तथा पालिका घोषणाको तयारीमा विद्यालयको भूमिका र विद्यालय केन्द्रित बालसंरक्षण नीतिका विषयमा पत्रकार नवीन गिरीले सहजीकरण गर्नुभएको थियो ।

No description available.

त्यस क्रममा विद्यालयले बनाउनुपर्ने बालसंरक्षण नीतिबारे छलफल गर्दै ड्राफ्ट पनि गरिएको थियो । बालविवाह न्यूनीकरण गर्न बालिकाहरुलाई विद्यालयमा टिकाइराख्ने वातावरण निर्माण, लैगिंकमैत्री वातावरणको सिर्जना तथा विद्यालय केन्द्रित बालसंरक्षण नीति तयार गर्ने उद्देश्यले अभिमुखीकरण गरिएको स्याक नेपालकी सहजकर्ता आकृति यादवले बताउनुभयो । अभिमुखीकरणमा डुडुवा गाउँपालिकाका शिक्षा शाखा प्रमुख सञ्जय कुमार कर्ण लगायत शिक्षा शाखाका अन्य कर्मचारी, प्रधानाध्यापक, शिक्षक, विद्यार्थी, विद्यालय व्यवस्थापन समितिका अध्यक्ष, शिक्षक अभिभावक संघका अध्यक्ष गरी ३२ जना सहभागी थिए ।

No description available.