उम्मेदवार छान्न डिएलएले बनायो समिति

स्थानीय

गृहपृष्ठ
स्थानीय
उम्मेदवार छान्न डिएलएले बनायो समिति

उम्मेदवार छान्न डिएलएले बनायो समिति

बिहीबार, फागुन २०, २०७७ बागेश्वरी पोस्ट

नेपालगन्ज । उच्च अदालत तुलसीपुर नेपालगन्ज इजलास बार एसोसिएसनको निर्वाचन चैत २१ गते हुँदैछ । उक्त निर्वाचनका लागि उम्मेदवार चयन गर्न डेमोक्रेटिक लयर्स एसोसिएसन(डिएलए) बाँकेले उम्मेदवार छ्नौट समिति गठन गरेको छ । अधिवक्ता प्रमोद बहादुर श्रेष्ठको संयोजकत्वमा वरिष्ठ अधिवक्ता भोलासिंह हमाल, अधिवक्ताहरु प्रहलाद बहादुर कार्की, लोक बहादुर शाह र कपिलदेव शर्मा सदस्य रहेको उम्मेदवार छ्नौट समिति गठन गरिएको हो । डिएलएबाट अध्यक्षको उम्मेदवार दौडमा शिव कुमार श्रेष्ठ, गोपाल गिरी, विश्वजित तिवारी, युग बहादुर गुरुङ, पवन कुमार गुप्ता, निर्दिप कुमार श्रेष्ठ, कृष्ण प्रसाद जैसी र चित्र बहादुर शाही रहेको बताइएको छ । बारमा आफ्नो बर्चश्व रहेपनि अघिल्लो अधिवेशनमा डिएलएले अध्यक्ष पद गुमाएको थियो । शिव कुमार श्रेष्ठलाई पराजित गरेर बामपन्थी उम्मेदवार विकास आचार्यले बाजी मार्नुभएको थियो । डिएलए भित्रैबाट अन्तर्घात हुँदा श्रेष्ठ पराजित हुनुभएको थियो ।

प्रकाशित मिति: बिहीबार, फागुन २०, २०७७ २१:२९