सिएमसीको होस्टलमा अमेरिकन पेस्तोल भेटियो

समाचार

गृहपृष्ठ
समाचार
सिएमसीको होस्टलमा अमेरिकन पेस्तोल भेटियो

सिएमसीको होस्टलमा अमेरिकन पेस्तोल भेटियो

शनिबार, मंसिर ७, २०७६ बागेश्वरी पोस्ट

फाइल फोटो

चितवन ।चितवन मेडिकल कलेज ( सिएमसी) को विद्यार्थी बस्ने होस्टलमा हतियार फेला परेको चितवन प्रहरीले दाबी गरेको छ। होस्टलबाट शनिबार हतियार फेला परेको चितवनका प्रहरी उपरीक्षक दानबहादुर मल्लले बताए।

हतियारसँगै म्यागजिन र केही राउन्ड गोली फेला परेको मल्लले बताए।‘होस्टलका गार्डले हतियार देखेपछि प्रहरीलाई खबर गरे,’ उनले भने, ‘प्रहरी जाँदा हतियार र केही राउन्ड गोली भेटियो।’सो हतियार कसको र कहाँबाट आयो भन्ने विषयमा अनुसन्धान थालिएको मल्लले बताए।

प्रहरीले चितवन मेडिकल कलेजका चार जना गार्डलाई पक्राउ गरेको छ। होस्टलनजिकै पेस्तोल तथा गोली भेटिएपछि चार जनालाई अनुसन्धानका लागि नियन्त्रणमा लिइएको प्रहरीले जनाएको छ।

प्रहरी नायब उपरीक्षक एकनारायण कोइरालाका अनुसार अमेरिकन पेस्तोल, त्यसको एक थान म्यागजिन, दुई थान गोली, थ्री नट थ्री राइफलको खोका एक थान, एसएलआर राइफलको खोका छ थान र थ्री नट थ्री राइफलको गोली एक थान फेला परेको प्रहरीले जनाएको छ।गार्डहरु सग अनुसन्धान भइरहेको प्रहरीले जानकारी दिएको छ।

प्रकाशित मिति: शनिबार, मंसिर ७, २०७६ १९:४२