डुडुवाको आठौं गाउँसभा सम्पन्न

स्थानीय

गृहपृष्ठ
स्थानीय
डुडुवाको आठौं गाउँसभा सम्पन्न

डुडुवाको आठौं गाउँसभा सम्पन्न

ऐन, नीति, वजेट संशोधन र प्रगति प्रतिवेदन पारित

शुक्रबार, फागुन २८, २०७७ बागेश्वरी पोस्ट

डुडुवा (बाँके) । बाँके डुडुवा गाउँपालिकाको आठौं गाउँसभाले ऐन नीति, वजेट संशोधन र प्रगति प्रतिवेदनलाई पारित गरेको छ । सभाले डुडुवा गाउँपालिकाको कृषि व्यवसाय प्रबद्र्धन सम्वन्धमा गर्न बनेको विधेयक २०७७ र डुडुवा गाउँपालिकाको कृषि नीति २०७७ सर्वसम्मत रुपमा पारित गरेको छ । विधेयक समितिका संयोजक लिलावती यादवले प्रस्तुत गर्नुभएको ऐन र नीतिलाई पारित गरिएको हो । सभामा गाउँपालिका अध्यक्ष नरेन्द्रकुमार चौधरीले चालू आर्थिक वर्षको वजेटको संशोधन प्रस्ताव र चालू आर्थिक वर्ष २०७७।०७८ को साउनदेखि फागुन २० गतेसम्मको विभिन्न विषयगत शाखाको प्रगति प्रतिवेदन प्रस्तुत गर्नुभएको थियो । प्रस्तुत बजेट संशोधन र प्रगतिलाई सर्बसम्मत रुपमा पारित गरिएको थियो । गाउँपालिकाका विभिन्न शाखा अन्र्तगत शिक्षा, स्वास्थ्य, कृषि, पशु, बन तथा बातावरण र विकास निमार्णका योजना लगायतका बारेमा प्रगति प्रतिबेदनमा उल्लेख गरिएको छ । गाउँपालिका प्रमुख प्रशासकीय अधिकृत सभाका सदस्य सचिव प्रशुराम उपाध्यायले संचालन गर्नुभएको सभामा गाउँपालिका उपाध्यक्ष शाहिदा बानो, वडाध्यक्ष, कार्यपालिका सदस्य र सभासद्हरुको सहभागिता रहेको थियो । गाउँपालिकाले बहुवर्षीय ठूला आयोजना अन्र्तगत राप्ती नदी पुलस्थित शिवको प्रतिमा निर्माण, कोल्ड स्टोर निर्माण, हलकारापुर्वा र राजारामपुर्वा वीचमा डुडुवा नालामा झुलुङ्गे पुल निर्माण, अमृतपुर्वादेखि रामनगर पाझासम्म पिसीसी सडक निर्माण र गाउँपालिकाको प्रशासकीय भवन निर्माण रहेका छन् । ती आयोजनाहरुलाई मुख्य प्राथमिकताका साथ अघि बढाइएको गाउँपालिका अध्यक्ष चौधरीले बताउनुभयो । उहाँका अनुसार जेष्ठ नागरिकसंग गाउँपालिका अध्यक्ष कार्यक्रम, कन्या मुद्दती खाता, स्वास्थ्य र पशु अन्र्तगत मुख्य कार्यक्रम संचालनको योजना रहेको छ ।

प्रकाशित मिति: शुक्रबार, फागुन २८, २०७७ १९:३९

प्रतिक्रिया दिनुहोस्