पत्रकार हरि पन्त सम्मानित

समाचार

गृहपृष्ठ
समाचार
पत्रकार हरि पन्त सम्मानित

पत्रकार हरि पन्त सम्मानित

आइतबार, चैत १, २०७७ बागेश्वरी पोस्ट

नेपालगन्ज।पत्रकार हरि पन्त सम्मानित भएका छन् ।

पोखरामा रहेका धादिङवासीहरुको संस्था धादिङ पोखरा सम्पर्क समाजको २२ औं साधारणसभा तथा ११ औं अधिवेशनको अवसरमा पत्रकार पन्तलाई नगद पुरस्कार, सम्मानपत्र र दोसल्लासहित सम्मान गरिएको हो । पोखरामा रहेर १७ वर्षदेखि पत्रकारितामा क्रियाशील रहँदै आएका पत्रकार पन्तले धादिङ समाजका गतिविधिलाई प्रचारप्रसार गरी महत्वपूर्ण योगदान पुर्याएको भन्दै समाजले सम्मान एवं पुरस्कृत गरिएको हो ।

गण्डकी प्रदेशसभा सदस्य विन्दुकुमार थापाले पत्रकार पन्तलाई सम्मान गरेका हुन् । पत्रकार पन्त यस अघि पनि लायन्स इन्टरनेशल डिष्ट्रिक्ट ३२५ बी १ नेपालको पत्रकारिता पुरस्कार प्राप्त गर्नुका साथै विभिन्न संघसंस्थाबाट सम्मानित भइसकेका छन् ।

पत्रकार पन्त पोखरास्थित गण्डकी भ्वाईस डटकमका सम्पादक, सगरमाथा टेलिभिजन र हाम्राकुराका प्रतिनिधि हुन् । कार्यक्रममा धादिङकी चेली एवं प्रहरी नायव उपरीक्षक (डिएसपी) चिनीमाया तामाङलाई पनि सम्मान गरिएको थियो । साथै समाजका निवर्तमान अध्यक्ष युवराज खतिवडा, सचिव सरस्वती श्रेष्ठ सरु, सदस्य माधव लम्साल पनि कार्यक्रममा सम्मानित भए। यस्तै विभिन्न कार्यक्रमका संयोजकहरु उपाध्यक्ष प्रेम नेपाली, कार्यसमिति सदस्य रामप्रसाद दुवाडीलाई पनि कार्यक्रममा सम्मान गरिएको थियो ।

प्रकाशित मिति: आइतबार, चैत १, २०७७ १२:३८

प्रतिक्रिया दिनुहोस्