प्रहरी जवान सुनिता कुँवर 'पुलिस अफ द मन्थ' बाट सम्मानित

स्थानीय

गृहपृष्ठ
स्थानीय
प्रहरी जवान सुनिता कुँवर 'पुलिस अफ द मन्थ' बाट सम्मानित

प्रहरी जवान सुनिता कुँवर 'पुलिस अफ द मन्थ' बाट सम्मानित

आइतबार, चैत १, २०७७ बागेश्वरी पोस्ट

नेपालगन्ज। जिल्ला प्रहरी कार्यालय बाँकेले प्रहरी जवान सुनिता कुँवरलाई २०७७ फागुन महिनाको उत्कृष्ट प्रहरी अवार्डले सम्मान गरेको छ।

वडा प्रहरी कार्यालय नेपालगन्ज दरबन्दी भई हाल भन्सार सुरक्षा गार्ड नेपालगन्जमा कार्यरत जवान कुँवरले चेकजाँच गर्ने क्रममा भारतबाट अबैध रुपमा नेपाल ल्याउँदै गरेको भारतीय दश लाख रुपैयाँसहित एक जना नागरिकलाई पक्राउ गरेकी थिइन्।

जवान कुँवरको बहादुरीपूर्ण तरिकाले तस्करी नियन्त्रणमा सर्हानिय भूमिका खेलेको हुँदा फागुन महिनाको 'पुलिस अफ द मन्थ' को अवार्डले सम्मान गरिएको बाँके प्रहरीले जानकारी दिएको छ। बाँके प्रहरी प्रमुख एसपी ओमबहादुर रानाले उत्कृष्ट प्रहरी घोषित कुँवरलाई कदरपत्रसहित एक हजार रुपैयाँ पुरस्कार दिएका छन्।

सम्मान कार्यकर्ममा प्रहरी निरीक्षक ईश्वरदेव गिरी, प्रहरी निरीक्षक टक्कर स्वार लगायत अन्य प्रहरी अधिकारीको उपस्थिती रहेको थियो।

प्रकाशित मिति: आइतबार, चैत १, २०७७ १३:२९

प्रतिक्रिया दिनुहोस्