उपभोक्ता अधिकार दिवसमा तीन जनालाई सम्मान

स्थानीय

गृहपृष्ठ
स्थानीय
उपभोक्ता अधिकार दिवसमा तीन जनालाई सम्मान

उपभोक्ता अधिकार दिवसमा तीन जनालाई सम्मान

सोमबार, चैत २, २०७७ बागेश्वरी पोस्ट

नेपालगञ्ज । विश्व उपभोक्ता अधिकार दिवसको सन्दर्भ पारेर उपभोक्ता सचेतनाको क्षेत्रमा महत्वपूर्ण योगदान दिएको भन्दै नेपालगञ्जमा आज तीन जनालाई सम्मान गरिएको छ ।

No description available.

नेपालगञ्ज उपमहानगरपालिका उपभोक्ता हित संरक्षण समिति, वाणिज्य आपूर्ति तथा उपभोक्ता संरक्षण कार्यालय र घरेलु तथा साना उद्योग कार्यालय बाँकेले अधिबक्ता वसन्त गौतम, पत्रकार अर्जुन वली र एम्मी मिट मार्टका दिपेन्द्रराज श्रेष्ठलाई सम्मान गरिएको हो । नेपालगञ्ज उपमहानगरपालिका उपभोक्ता हित संरक्षण समितिका अध्यक्ष तथा उपमहानगरपालिकाका उपप्रमुख उमा थापा मगरको अध्यक्षतामा भएको कार्यक्रममा नगर प्रमुख डा. धवलशम्शेर राणा लगायतले सम्मानपत्र प्रदान गर्नुभयो । नेपालगञ्ज उपमहानगरपालिका उपभोक्ता हित संरक्षण समिति, वाणिज्य आपूर्ति तथा उपभोक्ता संरक्षण कार्यालय र घरेलु तथा साना उद्योग कार्यालय बाँकेको संयुक्त आयोजनामा भएको कार्यक्रममा सहभागीहरुले उपभोक्ता स्वयम् सेचत हुनुपर्नेमा जोड दिनुभयो ।

कार्यक्रममा नगर प्रमुख राणाले उपभोक्ता सचेत हुने, उद्योगी ब्यवसायी आफैंमा सचेत भएमा महत्वपूर्ण उपलब्धि हुने बताउनुभयो । उपप्रमुख मगरले अनुगमन भन्दा पनि उपभोक्ता सचेतना महत्वपूर्ण भएको भन्दै प्रत्येक नागरिक आफैंमा सचेत हुनुपर्नेमा जोड दिनुभयो । नेपालगञ्ज उपमहानगरपालिकाका प्रमुख प्रशासकीय अधिकृत ओमवहादुर खड्का, बाँकेका सहायक प्रमुख जिल्ला अधिकारी दीर्घराज उपाध्याय, वाणिज्य कार्यालयका प्रमुख कृष्णप्रसाद पौडेल, घरेलु कार्यालयका प्रमुख मोहन सुवेदी, नेपालगञ्ज उद्योग बाणिज्य संघका अध्यक्ष अव्दुल वाहिद मन्सुरी, बाँके चेम्बर अफ कमर्सका उपाध्यक्ष गोपाल अधिकारी, सामुदायिक प्रहरी सेवा केन्द्रका अध्यक्ष दिपेन्द्र जोशी, उपभोक्ता हित संरक्षण मञ्चका नगर अध्यक्ष सुरेन्द्र कार्की लगायतले उपभोक्ता अधिकारबारे सचेतनामूलक अभियान चलाउनुपर्नेमा जोड दिनुभयो ।

प्रकाशित मिति: सोमबार, चैत २, २०७७ ११:२८

प्रतिक्रिया दिनुहोस्