जन्ती बस दुर्घटना, एकको मृत्यु, ४० जना घाइते

समाचार

गृहपृष्ठ
समाचार
जन्ती बस दुर्घटना, एकको मृत्यु, ४० जना घाइते

जन्ती बस दुर्घटना, एकको मृत्यु, ४० जना घाइते

१७ जनाको अवस्था गम्भीर

आइतबार, मंसिर ८, २०७६ बागेश्वरी पोस्ट

मुग्लिङ। जन्ती बस दुर्घटना हुँदा एक जनाको मृत्यु भएको छ। दुर्घटनामा ४० जना घाइते भएका छन् । धादिङको बैरेनीबजारमा आज बिहान भएको जन्ती बस दुर्घटनामा ४० घाइते मध्य १७ जनाको अवस्था गम्भीर रहेको जिल्ला प्रहरी कार्यालय धादिङका प्रमुख प्रहरी उपरीक्षक राजकुमार वैदवारले बताए।

बा२ख ६२६८ नं को बसले जन्ती लिएर नुवाकोटको बाँसगडीबाट अमलेखगञ्जतर्फ जाँदै गरेको थियो। बस सडकको खाल्डो छल्न लाग्दा दुर्घटना भएको थियो।

दुर्घटनामा नुवाकोट जिल्ला बेलकोटगढी नगरपालिका वडा नं ५ की १४ वर्षीया डोल्मा तामाङको घटनास्थलमै मृत्यु भएको छ । गम्भीर घाइते १७ जनालाई थप उपचारका लागि काठमाडौँ ट्रमा सेन्टर पठाइएको छ भने २३ जनाको बैरेनी र गल्छीमा रहेको स्वास्थ्य केन्द्रहरुमा उपचार भइरहेको छ।

प्रकाशित मिति: आइतबार, मंसिर ८, २०७६ ०९:१९

प्रतिक्रिया दिनुहोस्