राप्तीसोनारीबाट अवैध रुपमा रातारात लैजादै गरेका गिट्टीसहित २ टिपर नियन्त्रणमा

स्थानीय

गृहपृष्ठ
स्थानीय
राप्तीसोनारीबाट अवैध रुपमा रातारात लैजादै गरेका गिट्टीसहित २ टिपर नियन्त्रणमा

राप्तीसोनारीबाट अवैध रुपमा रातारात लैजादै गरेका गिट्टीसहित २ टिपर नियन्त्रणमा

शनिबार, चैत ७, २०७७ बागेश्वरी पोस्ट

फाइल फोटो

हेमन्त चौधरी/नेपालगन्ज। राप्तीसोनारी गाउँपालिकाबाट रातारात अवैध रुपमा कोहलपुर बेच्न लैजादै गरिएको गिट्टीसहित २ वटा टिपरलाई नियन्त्रणमा लिइएको छ।

राप्ती सोनारी ४ लालपुरको क्रसरबाट अबैध रुपमा रातारात गिट्टी लैजादै गरिएको भे १ क १८०७ र भे १ क १८०८ नम्बरको २ वटा टिपरलाई राप्ती सोनारी गाउँपालिका अध्यक्ष लाहुराम थारु ,पत्रकार र प्रहरीको संयुक्त टोलीले अगैया पुलबाट गएराती ९ बजे नियन्त्रणमा लिएको अस्थाई प्रहरी चौकी अगैयाले जानकारी दिएको छ ।

हुलाकी लोकमार्गको नाममा क्रसर सन्चालन गरेको खड्का कृष्ण कन्स्ट्रक्सनले बिकास निर्माणमा खपत नगरी अबैध रुपमा जिल्लाको विभिन्न स्थानमा गिट्टी, बालुवा बेच्दै आएको छ । जसले गर्दा समयमा योजना सम्पन्न गर्नेमा शंका उत्पन्न हुदै आएको छ । कानुन अनुसार उक्त योजना बाहेक अन्यत्र लैजान र किनबेच गर्न नपाउने भएपनि उक्त कन्स्ट्रक्सनले खुलेयाम नदिजन्य पदार्थ बेच्ने गरेको स्थानीयहरुको गुनासो छ।

खड्का कृष्ण कन्स्ट्रक्सनले राप्ती सोनारी ६ फत्तेपुर नहर नजिक बाटोमै ग्राभेल डम्पिंङ्ग गरेर नेपालगन्ज लगायत अन्य स्थान ओसार्ने गरेको छ। यसअघि २ टिपर गिट्टीसहित इलाका प्रहरी कार्यालय धामपुरले अन्यत्र नबेच्ने सर्तमा कागज गरि छोडेको थियो।

कन्स्ट्रक्सनका उक्त छेत्र हेर्दै आएका नर बहादुर केसीले पत्रकार समक्ष अन्यत्र लैजान दिनुपर्ने माग राख्दै सबैलाई मिलाएको उल्लेख गरेका छन्। नियन्त्रणमा लिईएका टिपर चालकहरुले कोहलपुर लगायतका स्थानमा आफुहरुले दैनिक रुपमा गिट्टी ओसार्दै आएको पत्रकारलाई जानकारी दिदै लालपुर क्रसरबाट अन्यन्त्र लैजान मिल्ने वा नमिल्ने बिषयमा ठेकेदारहरुले जानकारी नगराएको गुनासो गरेका छन्।

यसअघि कल्भर्ट र वाल निर्माणमा कमसल सामाग्री प्रयोग भएको भन्दै चौतर्फी बिरोध भएको थियो।

प्रकाशित मिति: शनिबार, चैत ७, २०७७ १३:५६

प्रतिक्रिया दिनुहोस्