मस्र्याङ्दी नदीमा ट्रक खस्दा छ जनाको मृत्यु

समाचार

गृहपृष्ठ
समाचार
मस्र्याङ्दी नदीमा ट्रक खस्दा छ जनाको मृत्यु

मस्र्याङ्दी नदीमा ट्रक खस्दा छ जनाको मृत्यु

आइतबार, चैत ८, २०७७ बागेश्वरी पोस्ट

नेपालगन्ज।मस्र्याङ्दी नदीमा ट्रक खस्दा छ जनाको मृत्यु भएको छ ।लमजुङ बेँसीशहर–ट्रक खस्दा छ जनाको मृत्यु भएको छ ।

लमजुङ बेँसीशहरबाट मनाङ जाँदै गरेको ध१ख ५९२ नंको ट्रक चोम सडकअन्तर्गत नासो गाउँपालिका ३ खोत्रोमा शनिबार सडकबाट ५० मिटर तल मस्र्याङ्दी नदीमा खस्दा छ जनाको मृत्यु भएको जिल्ला प्रहरी कार्यालय लमजुङले बताएको छ । प्रहरीका अनुसार ट्रक टुर्घटना हुँदा घटनास्थलमै तीन जनाको मृत्यु भएको थियो ।

मृत्यु हुनेमा मनाङस्थित नासो गाउँपालिका ४ का ३५ वर्षीया मनिषा गुरुङ, सोही वडाका ३६ वर्षीय जलकाशी गुरुङ र सात वर्षीया लिउन गुरुङको मृत्यु भएको प्रहरीले जनाएको छ । त्यस्तै मनाङस्थित चामे गाउँपालिका ४ का २८ वर्षीया धनमान विक र लमजुङ मस्र्याङ्दी गाउँपालिका ५ घेर्मुका २१ वर्षीय लक्ष्मण नेपालीको लमजुङ बेँसीशहर नगरपालिका–८ मा रहेको जिल्ला अस्पतालमा उपचारका क्रममा शनिबार राति मृत्यु भएको प्रहरीको भनाइ छ ।

त्यस्तै उपचारका लागि चितवनस्थित पुरानो मेडिकल कलेज भरतपुर लगिएका तीनमध्ये नासो १ का तीन वर्षीय थियोन गुरुङको शनिबार राति उपचारका क्रममा मृत्यु भएको छ । गम्भीर घाइते दुईजना सोही ट्रक चालक तनहुँ भानु नगरपालिका ३ का २४ वर्षीय सुमन तामाङ र नासो ३ धारापानीका सात वर्षीय मेल गुरुङको उपचार भइरहेको प्रहरी निरीक्षक पुनले बताए ।

उनीहरु पाँच जनालाई नै उपचारका लागि शनिबार राति ८ः३० बजेतिर जिल्ला अस्पताल लमजुङमा ल्याइएको प्रहरी निरीक्षक पुनले बताए । उपचारका क्रममा दुई जनाको जिल्ला अस्पताल लमजुङमा मृत्यु भएको र तीन जनाको उपचार हुन नसकेपछि उक्त अस्पतालमा सिफारिस गरिएको प्रहरी निरीक्षक पुनको भनाइ छ ।

जिल्ला अस्पताल लमजुङमा मृत्यु भएका दुई जनाको शव अस्पतालमा राखिएको छ । घाइते चालक तामाङको टाउकामा चोट लागेको छ भने सात वर्षीय गुरुङको नदेखिने गरी भित्री चोट लागेको प्रहरीले जनाएको छ । प्रहरीका अनुसार सो ट्रकमा आठ जना सवार थिए ।

प्रकाशित मिति: आइतबार, चैत ८, २०७७ १०:५४

प्रतिक्रिया दिनुहोस्