कृषि अनुसन्धान निर्देशनालयले मनायो गहुँ विशेष कृषि दिवस

स्थानीय

गृहपृष्ठ
स्थानीय
कृषि अनुसन्धान निर्देशनालयले मनायो गहुँ विशेष कृषि दिवस

कृषि अनुसन्धान निर्देशनालयले मनायो गहुँ विशेष कृषि दिवस

मंगलबार, चैत १०, २०७७ बागेश्वरी पोस्ट

खजुरा । बाँकेको खजुरामा रहेको कृषि अनुसन्धान निर्देशनालयले आज कृषक दिवस मनाएको छ । निर्देशनालयका निर्देशक अमर बहादुर पुनको अध्यक्षतामा मनाइएको कृषक दिवसमा गहुँ सम्बन्धि गरिएका परिक्षण र जातहरुका बारेमा जानकारी गराइएको थियो ।

गहुँ सम्बन्धि गरिएका परिक्षण र जातहरु किसानको माझमा पुर्याउने मुख्य उद्देश्य रहेको निर्देशक पुनले बताउनुभयो । कार्यक्रका प्रमुख अतिथि खजुरा गाउँपालिकाका अध्यक्ष किष्मत कुमार कक्षपतिले कृषि अनुसन्धान निर्देशनालय किसानको लागि विश्वविद्यालय नै बनेको बताउनुभयो । अध्यक्ष कक्षपतिले नार्कसंग सिक्नुपर्ने धेरै भएकाले आगामी दिनमा कृषि विकासको काममा सहकार्य समन्वय गरेर अघि बढ्ने बताउनुभयो ।

गहुँ विशेषज्ञ बरिष्ठ बैज्ञानिक डा. धुव्र बहादुर थापाले गहुँका जात र गुणहरुका बारेमा जानकारी गराउनुभएको थियो । नेपालमा गहुँ सम्बन्धि ५४ वटा उन्नत जातहरु विकास भइसकेको बरिष्ठ बैज्ञानिक थापाले बताउनुभयो । कृषि अनुसन्धान निर्देशनालय खजुरामा मात्रै २२ वटा जातहरुमा परिक्षण भइरहेको छ ।

कृषक दिवसमा राष्ट्रिय गहुँ बाली अनुसन्धान कार्यक्रमका संयोजक रोशन बस्नेत, कोशेबाली अनुसन्धान कार्यक्रम खजुराका संयोजक डा.राजेन्द्र दराई, कृषि निर्देशनालयका निर्देशक कृष्ण प्रसाद श्रेष्ठ, कृषि प्रवर्द्धन सहयोग तथा तालिम केन्द्र खजुराका प्रमुख अमरराज शर्मा घिमिरे, एकिकृत कृषि तथा पशुपंक्षी विकास कार्यालय बर्दियाका प्रमुख विनोद घिमिरे, वीउ विजन प्रयोगशाला खजुराका प्रमुख दिलिप सिंह, जानकी गाउँपालिका वडा नम्बर ४ का अध्यक्ष विश्राम वर्मा, कृषि ज्ञान केन्द्रका कृषि अधिकृत दिनेश भट्टराई, स्थानीय तहमा रहेका कृषि शाखाका प्रतिनिधि, विभिन्न वीउ विजन कम्पनीका प्रतिनिधि, वीउ उत्पादन गर्ने किसानहरु लागायतको उपस्थिति रहेको कृषि अनुसन्धान निर्देशनालयका प्राविधिक अधिकृत तथा सूचना अधिकारी रविन गिरीले जानकारी दिनुभयो ।

प्रकाशित मिति: मंगलबार, चैत १०, २०७७ १९:०९