नरैनापुरका आगलागी पीडितलाई नगद र गैरखाद्य सामग्री सहयोग

स्थानीय

गृहपृष्ठ
स्थानीय
नरैनापुरका आगलागी पीडितलाई नगद र गैरखाद्य सामग्री सहयोग

नरैनापुरका आगलागी पीडितलाई नगद र गैरखाद्य सामग्री सहयोग

मंगलबार, चैत १०, २०७७ बागेश्वरी पोस्ट

नेपालगन्ज । बाँकेको नरैनापुर गाउँपालिका वडा नम्बर ६ का आगलागी पीडितलाई नगद तथा गैरखाद्य सामग्री सहयोग गरिएको छ ।

जिल्ला विपद् व्यवस्थापन समिति बाँकेले प्रभावित क्षेत्रमै पुगेर प्रति परिवार १५ हजार रुपैयाँ नगद राहत सहयोग गरेको छ । त्यसैगरी नेपाल रेडक्रस साेसाइटीले प्रभावित परिवारलाई गैरखाद्य सामग्री उपलब्ध गराएको छ ।

संघीय सांसद् महेश्वर गहतराज, प्रदेश सांसद् कृष्णा केसी, भूमी आयोगका सदस्य विक्रम यादव, प्रमुख जिल्ला अधिकारी रामबहादुर कुरुम्वाङ आगलागी प्रभावित गाउँमा पुगी राहत वितरण गर्नुभएको थियो । आगलागी पीडितलाई नरैनापुर गाँउपालिकाले खाना तथा वसोवासको ब्यवस्था गरेको छ ।

वडा नं.६ चौबिसबिगामा आज दिउँसो आगलागी हुँदा ६ घर जलेर नष्ट भएका थिए । आज दिउँसो करिब १ बजेतिर आगलागी भएको थियो । नरैनापुर गाउँपालिकाको दमकल, नेपाल प्रहरी, शसस्त्र प्रहरी र स्थानीयहरुको सहयोगमा आगो नियन्त्रणमा लिइएको थियो । आगलागीबाट मानवीय क्षती भने हुन पाएन ।

त्यस क्षेत्रमा अधिकांश फुसका घर भएकाले गर्मीयाममा आगलागी हुँदा धेरै घर जलेर नष्ट हुने गरेका छन् ।

प्रकाशित मिति: मंगलबार, चैत १०, २०७७ २०:०८

प्रतिक्रिया दिनुहोस्