बाँकेको गनापुरमा बस र टिपर ठोक्किँदा ५ जना घाइते

स्थानीय

गृहपृष्ठ
स्थानीय
बाँकेको गनापुरमा बस र टिपर ठोक्किँदा ५ जना घाइते

बाँकेको गनापुरमा बस र टिपर ठोक्किँदा ५ जना घाइते

बुधबार, चैत ११, २०७७ बागेश्वरी पोस्ट

नेपालगन्ज । बाँकेमा बस टिपर दुर्घटना हुँदा ५ जना घाइते भएका छन् । आज बिहान ९ बजेतिर नेपालगन्ज कोहलपुर सडकखण्डमा पर्ने गनापुरमा एकै दिशातर्फ जाँदै गरेका टिपर र बस ठोक्किएका हुन् । कोहलपुरबाट नेपालगन्ज जाँदै गरेको ना ६ ख ७८८२ नम्बरको बस र भे १ क १४९९ नम्बरको टिप्पर ठोक्किँदा ५ जना घाइते भएको जिल्ला ट्राफिक प्रहरी बाँकेले जानकारी दिएको छ । सडकबाट मोड्ने क्रममा रहेको टिपरलाई पछाडिबाट आइरहेको बसले ठक्कर दिएको ट्राफिक प्रहरीले जानकारी दिएको छ ।

घाइते ५ जना मध्ये एक जना बालकको अवस्था अलि जटिल रहेको ट्राफिक प्रहिले बताएको छ । प्रहरीले टिपर र बस चालकलाई नियन्त्रणमा लिएको जनाएको छ।

प्रकाशित मिति: बुधबार, चैत ११, २०७७ १३:५०