भारतबाट जमुनहा नाका भएर आएका ३६२ जनाको अवस्था सामान्य

स्थानीय

गृहपृष्ठ
स्थानीय
भारतबाट जमुनहा नाका भएर आएका ३६२ जनाको अवस्था सामान्य

भारतबाट जमुनहा नाका भएर आएका ३६२ जनाको अवस्था सामान्य

शुक्रबार, चैत १३, २०७७ बागेश्वरी पोस्ट

नेपालगन्ज । भारतमा कोरोना संक्रमणको दोस्रो लहर शुरु भएपछि बाँकेमा सीमा नाकामा कडाई गरिएको छ ।

जिल्ला कोभिड १९ संकट व्यवस्थापन केन्द्र बाँकेले स्वास्थ्य उपचार र अत्यावश्यक काम बाहेक सामान्य खरिदारीका लागि सीमापारी जान बन्द गरेको छ। जमुनहा नाकामा भारतबाट आउनेहरुको अभिलेख राख्दै स्वास्थ्य परिक्षण गरेर मात्र नेपाल भित्रिन दिएको जमुनाहा नाकामा हेल्थडेस्कका चिरिन्जीबी घिमिरेले बताए।

घिमिरेका अनुसार बिहिबार साँझ सम्म ३६२ जना नेपालगन्जको जमुनहा नाका भएर आएका छन्। नेपाल भित्रिएका सबैको स्वास्थ्य जाँच गर्दा सबैको अवस्था सामान्य भएको घिमिरेले बताए। नेपाल भित्रिएका ३६२ जना मध्ये २८८ जना पुरुष र ७४ जना महिला रहेका छन्।

उनीहरु सबै भारतको लखनउ, दिल्ली, गुजरात लगायत अन्य स्थानबाट आएको घिमिरेले जानकारी दिएका छन्। हिजो छिटफुट रुपमा नेपालगन्जबाट रुपइडिहा गएपनि आजदेखि पूर्णरुपमा खरिदारीका लागि कडाई गरिने बाँके प्रशासनले जानकारी दिएको छ।

प्रकाशित मिति: शुक्रबार, चैत १३, २०७७ ०८:३८

प्रतिक्रिया दिनुहोस्