होली पर्वबारे बाँके प्रहरीको अत्यन्त जरुरी सूचना

स्थानीय

गृहपृष्ठ
स्थानीय
होली पर्वबारे बाँके प्रहरीको अत्यन्त जरुरी सूचना

होली पर्वबारे बाँके प्रहरीको अत्यन्त जरुरी सूचना

शनिबार, चैत १४, २०७७ बागेश्वरी पोस्ट

नेपालगन्ज । छिमेकी मुलुक भारतमा कोरोना भाइरस संक्रमणको नयाँ लहर बढ्दै गएपछि बाँकेको नेपाल भारत सीमा नाका जमुनाहामा उच्च सतर्कता अपनाइएको छ ।

कोरोना संक्रमण बढ्दै गएपछि नेपाल सरकारले समेत सभा, जुलुश, भिडभाड नगर्न सार्वजनिक अपिल गरेको छ ।जिल्ला प्रहरी कार्यालय बाँकेले पनि आज होली पर्व लक्षित गरी बिशेष सूचना जारी गरेको छ । होली पर्वमा सावधानी अपनाई आ-आफ्नै घरमा पर्व मनाउन जिल्ला प्रहरी कार्यालय बाँकेले आग्रह गरेको हो ।

बाँके प्रहरीले जिल्लाबासीलाई होलीको शुभकामना दिँदै सार्वजनिक स्थानमा होली खेलेमा संक्रामक रोग ऐन २०२० अनुसार कार्वाही गरिने जनाएको छ ।

बाँके प्रशासनले पनि आज एक सूचना निकालेर घरमै होली खेल्न आग्रह गर्दै सभा, समारोह, मेला, महोत्सवमा रोक लगाएको जनाएको छ ।

त्यस्तै इलाका प्रहरी कार्यालय कोहलपुरले पनि होली पर्वलाई सभ्य तरिकाले मनाउन सबैलाई आग्रह गरेको छ ।

होलीमा सबैलाई आफ्नो घरमा मनाउन आग्रह गर्दै सूचनाको बेवास्ता गर्दै बाहिर होली खेलेमा कडा कारबाही गरिने इलाका प्रहरी कोहलपुरका प्रमुख प्रहरी नायब उपरीक्षक रबिन्द्र खनालले जानकारी बताउनुभएको छ ।

प्रकाशित मिति: शनिबार, चैत १४, २०७७ २०:५६

प्रतिक्रिया दिनुहोस्