७८ पिसिआर गर्दा ४१ जनामा कोभिड संक्रमण !

स्थानीय

गृहपृष्ठ
स्थानीय
७८ पिसिआर गर्दा ४१ जनामा कोभिड संक्रमण !

७८ पिसिआर गर्दा ४१ जनामा कोभिड संक्रमण !

सोमबार, चैत ३०, २०७७ बागेश्वरी पोस्ट

नेपालगञ्ज । बाँकेमा आज ४१ जनामा कोरोना संक्रमण पुष्टि भएको छ ।

भेरी अस्पतालमा ७८ जनाको पिसिआर परिक्षण गर्दा ४१ जनामा कोरोना पुष्टि भएको जिल्ला कोभिड १९ संकट व्यवस्थापन केन्द्र बाँकेका फोकल पर्सन तेज ओलीले जानकारी दिनुभयो । बाँकेमा चैत यता तीब्र गतिमा कोरोना फैलिरहेको छ । चैत महिनामा मात्र हालसम्म १ सय ९६ जना संक्रमित भएका छन् ।

भेरी अस्पतालमा ५४ जना उपचाररत छन् । ती मध्ये २४ जना सिकिस्त छन् भने ४ जनाको भेन्टिलेटरमा उपचार भइरहेको ओलीले जानकारी दिनुभयो । नेपालगञ्ज नाका भएर भारतबाट आएका ११ जनामा कोरोना पुष्टि भइसकेको छ ।

प्रकाशित मिति: सोमबार, चैत ३०, २०७७ १२:१८