कोरोना फैलिएपछि नेपालगञ्जका विद्यालय आइतबारदेखि एक साता बन्द

स्थानीय

गृहपृष्ठ
स्थानीय
कोरोना फैलिएपछि नेपालगञ्जका विद्यालय आइतबारदेखि एक साता बन्द

कोरोना फैलिएपछि नेपालगञ्जका विद्यालय आइतबारदेखि एक साता बन्द

बिहीबार, वैशाख २, २०७८ बागेश्वरी पोस्ट

नेपालगञ्ज । नेपालगञ्ज उपमहानगरपालिकामा आइतबारदेखि शैक्षिक संस्थाहरु बन्द गर्ने निर्णय गरिएको छ ।

नेपालगञ्ज उपमहानगरपालिका विपद् ब्यवस्थापन समितिको आज बसेको बैठकले एक साताका लागि सम्पूर्ण शैक्षिक संस्थाहरु बन्द गर्ने निर्णय गरेको उपप्रमुख उमा थापा मगरले जानकारी दिनुभयो । नेपालगञ्जमा पछिल्लो समय कोभिड संक्रमण उच्च गतिमा बढेपछि उपमहानगरपालिका भित्रका विद्यालयहरु बन्द गर्ने निर्णय गरिएको हो ।

नगर प्रमुख डा. धवलशम्शेर राणाको अध्यक्षतामा बसेको बैठकले जिल्लाभरका सम्पूर्ण शैक्षिक संस्था बन्दका लागि जिल्ला संकट व्यवस्थापन केन्द्रको बैठकमा प्रस्ताव लैजाने निर्णय गरेको छ । बैठकले भारतबाट आउनेहरुको सीमा नाकामा स्वास्थ्य परिक्षण तथा एन्टिजेन परिक्षणका लागि थप कडाई गर्ने निर्णय गरेको छ ।

मास्क अनिवार्य लगाउने लगायतका स्वास्थ्य मापदण्ड पालना गर्न अनुरोध गर्दै बैठकले बजार अनुगमनलाई पनि कडाई गर्ने निर्णय भएको छ । मास्क नलगाई कारोबार गर्ने पसल ब्यवसाय कम्तीमा एक साताका लागि बन्द गर्ने निर्णय समितिको छ । घरबाहिर मास्क नलगाई आवागमन गर्नेलाई कारवाही गर्न बैठकले माग गरेको छ ।

प्रकाशित मिति: बिहीबार, वैशाख २, २०७८ १५:०४

प्रतिक्रिया दिनुहोस्