कोहलपुर दुर्घटना अपडेट: मृतकको संख्या ४ पुग्यो

स्थानीय

गृहपृष्ठ
स्थानीय
कोहलपुर दुर्घटना अपडेट: मृतकको संख्या ४ पुग्यो

कोहलपुर दुर्घटना अपडेट: मृतकको संख्या ४ पुग्यो

शुक्रबार, वैशाख ३, २०७८ बागेश्वरी पोस्ट

नेपालगन्ज । कोहलपुर दुर्घटनामा मृत्यु हुनेको संख्या ४ पुगेको छ । कोहलपुर नगरपालिका वडा नम्बर १२ रोहिणी खोला नजिकै यात्रुबहाक बस र टिप्पर ठोक्किँदा ४ जनाको मृत्यु भएको हो । दुर्घटनामा तीन दर्जन घाइते भएका छन् ।

आज बेलुका सवा ६ बजेतिर बस र टिप्पर ठोक्किँदा सुर्खेत साटाखानी ५ का जीवन कुमार न्यौपानेको घटनास्थलमै मृत्यु भएको इलाका प्रहरी कार्यालय कोहलपुरले जनाएको छ । अन्यको सनाखत हुन सकेको छैन । मृत्यु हुनेमा ३ पुरुष र १ महिला छन् ।

सुर्खेतबाट धरान जाँदै गरेको बस र बालुवा लोड गरेर कोहलपुरतर्फ आउँदै गरेको टिप्पर एक आपसमा ठोक्किएका थिए । घाइतेहरुको नेपालगन्ज मेडिकल कलेज शिक्षण अस्पताल कोहलपुरमा उपचार भइरहेको छ ।

प्रकाशित मिति: शुक्रबार, वैशाख ३, २०७८ २०:२९

प्रतिक्रिया दिनुहोस्