कोहलपुर अपडेट: मृतक पाँचै जनाको सनाखत

स्थानीय

गृहपृष्ठ
स्थानीय
कोहलपुर अपडेट: मृतक पाँचै जनाको सनाखत

कोहलपुर अपडेट: मृतक पाँचै जनाको सनाखत

शनिबार, वैशाख ४, २०७८ बागेश्वरी पोस्ट

नेपालगन्ज । बाँकेको कोहलपुर नगरपालिका वडा नम्बर १२ रोहिणी खोला नजिकै यात्रुबहाक बस र टिप्पर ठोक्किँदा मृत्यु भएका पाँचै जनाको सनाखत भएको छ ।

इलाका प्रहरी कार्यालय कोहलपुरका प्रमुख प्रहरी नायव उपरिक्षक रविन्द्र खनालका अनुसार दूर्घटनामा परि ज्यान गुमाएका मध्ये अन्दाजी ३२ बर्षीया महिलाको शनिवार बिहान सनाखत भएको छ ।

उनी सिराहा जिल्लाको सुखीपुर गाउँपालिका वडा नं. ३ की अम्बिका कान्ती रहेको खुल्न आएको प्रहरी नायव उपरिक्षक खनालले बताए । कान्ती शिक्षाका लागि खाद्य कार्यक्रम सुर्खेतमा कार्यरत कर्मचारी रहेको भन्ने खुल्न आएको छ ।

यसअघि शुक्रवार राति मृतक मध्ये थप चार जना पुरुषको सनाखत भइसकेको थियो । मृत्यु हुनेमा सुर्खेत साटाखानी ७ का जीवन कुमार बिक, कोहलपुरका टिपर सहचालक उदय बाँठा, टिपर चालक खगेन्द्र बहादुर सुनार, मेची न.पा. १० झापाका बस मालिक छत्र ब. कटुवाल रहेका थिए ।

दूर्घटनामा परि घाइते भएकोमा ७ जनाको अवस्था गम्भीर रहेको भएपनि शनिवार बिहान सम्म सबैको स्वास्थ्य अवस्थामा सुधार आएको र सबै घाइते खतरा मुक्त रहेको उपचारमा संलग्न चिकित्कसले बताएका छन् ।

प्रकाशित मिति: शनिबार, वैशाख ४, २०७८ १०:३७