बाँके फेरि कोरोनाको हटस्पट बन्दै

स्थानीय

गृहपृष्ठ
स्थानीय
बाँके फेरि कोरोनाको हटस्पट बन्दै

बाँके फेरि कोरोनाको हटस्पट बन्दै

आइतबार, वैशाख ५, २०७८ बागेश्वरी पोस्ट

नेपालगन्ज । बाँकेमा पछिल्लो समयमा हरेक दिन कोरोना संक्रमित बढन सुरु गरेपछी जिल्ला प्रशासन कार्यालयले कडाई गरेको छ। प्रशासनको कडाईसंगै सर्वसाधारणहरु घर बाहिर निस्कने क्रम घटिरहेको छ ।

नेपालगन्जको अति ब्यस्त मानिने धम्बोझी चोक, विपी चोक, सदरलाइन, त्रिभुवन चोक, सेतु विक चोक, न्यूरोड लगायतका स्थानहरुमा सर्वसाधारणहरुको उपस्थिति निकै कम देखिएको छ।

कोरोना संक्रमण बढेपछि सर्वसाधारण स्वस्फूर्त रुपमा घर भित्र बस्न थालेका छन् । हरेक दिन भीडभाड हुने स्थानमा समेत सर्वसाधारणको उपस्थिती घटेको छ ।

कोरोनाले भयाभय अवस्था निम्त्याउन खोजेपछी सर्वसाधारण आफै सजग भएर घर भित्र बस्न थालेका छन्।

शनिबार मात्रै बाँकेका ११८ जनामा संक्रमण पुष्टि भएको छ भने शनिबार २ घन्टाको अवधीमा ३ जनाले ज्यान गुमाइसकेका छन् ।

यता प्रशासन कार्यालयले बेलुकी ७ बजेपछि रेष्टुरेन्ट र क्लब बन्द गर्न अपिल गरिएको छ । मनोरन्जन स्थलहरु, फनपार्क, सिनेमा हल लगायत पनि बन्द गर्न भनिएको छ ।

स्कुलहरु यसअघि नै बन्द भइसकेका छन् भने जमुनहा नाका बन्द गरिएको छ।

प्रकाशित मिति: आइतबार, वैशाख ५, २०७८ ०८:४१